Ölkənin ilk müasir kinoteatrı Park Cinema paytaxtda ən böyük meydançasını açdı.
24.04.2013 tarixində altı zaldan ibarət olan və eyni zamanda 1000-dən artıq tamaşaçı qabul etməyə malik olan yeni Park Cinema kinoteatrı öz qapılarını kino həvəskarlarının üzünə açdı.
Kinoteatrın yaradılmasında istifadə olunan müasir avadanlıqlar, yeni texnologiyalar sayəsində, həmçinin tamaşaçı yerlərinin sayı baxımından yeni məkan ölkənin ən böyük və ən müasir kinoteatrı olmağa iddialıdır.
Park Cinema Barco şirkətinin ən yeni kinoproyeksiya avadanlığı ilə təchiz olunub. Məkanın səs avadanlığı isə Electro-Voice və Atmos kimi aparıcı istehsalçılar tərəfindən təqdim olunub. Burada ilk dəfə olaraq proyeksiya otağı olmayan yeni proyeksiya sistemi tətbiq edilib. Tamaşaçılar həmçinin 3D və 3D HFR formatlarının effektlərindən zövq ala biləcəklər. 3D HFR formatı sayəsində adət etdiyimiz kimi saniyədə 24 kadr əvəzinə 48 və 64 kadr nümayiş oluna bilir, bu da öz növbəsində filmin tamaşaçı tərəfindən mənimsənilməsinə öz müsbət təsirini göstərmiş olur.
Kinoteatr İspaniya istehsalı olan alovlanmaya davamlı və hipoallergen materiallardan hazırlanmış kreslolarlР° təchiz olunub. Tamaşaçı yerlərinin sayı 1000-dən yuxarıdır. Təqdim olunan zəngin repertuar isə istənilən yaş həddi və müxtəlif zövqlərə cavab verəcək. Kinoteatrda fasiləsiz çalışan müasir klimat-kontrol sistemi ilin bütün fəsillərində tamaşaçıların komfortlu istirahəti üçün lazımi şəraiti yaratmış olur.
Mərasim zamanı Park Cinema şəbəkəsinin Direktoru Namiq Quliyev yeni məkanda tamaşaçılara göstərilən xidmətlərin yüksək səviyyədə olacağını, dünya kinematoqrafiyasının ən son filmlərinin məhz Park Cinema şəbəkəsində nümayiş ediləcəyini bildirdi.
Yeni kinoteatr N. Nərimanov metro stansiyasından piyada 3 dəqiqəlik bir məsafədə yerləşən Metro Park AVM-nin 6-cı mərtəbəsində yerləşir.
Qeyd edək ki, Park Cinema biletlərin online sifarişi və alınması sistemini həyata keçirən ilk kinoteatrdır. Yeni məkanda da biletlərin on-line alışı və sifarişi, quraşdırılmış terminallar vasitəsi ilə nəğd pula biletlərin alınması kimi əməliyyatlar müştərilərin maksimum rahatlığını təmin edərək həyata keçirilir. Kinoteatrın yaratdığı Park Cinema klubunun və bonus proqramının bu gün 20 000 nəfərdən artıq üzvü var.
Park Cinema haqqında:
Ölkədə ilk yeni nəsil kinoteatrlar şəbəkəsi olan Park Cinema 16 oktyabr 2010-cu il tarixində fəaliyyətinə başlamışdır. Hal-hazırda şəbəkə 12 zal və 2000-ə yaxın oturacaq yerlə təqdim olunub. Mədəniyyət ocağının fəaliyyəti ilk növbədə əhalinin mənəvi tələbatının ödənilməsinə xidmət edərək insanların mədəni-maarifləndirilməsinə istiqamətləndirilib. Park Cinema kinoteatrlar şəbəkəsinin qarşısına qoyduğu əsas vəzifələrdən biri kinoya getmək mədəniyyətini gənc nəsil arasında bərpa edib, əhalini yüksək kino mədəniyyətinə alışdırmaqdır. Şəbəkə və repertuar haqqında ətraflı məlumatı www.parkcinema.az saytından və Facebook sosial şəbəkə səhifəsindən http://www.facebook.com/ParkCinema əldə etmək olar.