Həyatınıza düzgün məna yükləyin
Kitabı çox vaxt rahat yuxuya getmək üçün oxuyurlar. Uşaq olarkən nağıl saatları, məktəb yaşına gələndə hekayə kitabları, sonra romanlar... Ancaq hər zaman məqsəd rahat yuxuya getməkdir. Sonra böyüdükcə bu vərdiş bir qədər dəyişdi. Ancaq bu dəfə də kitabı harada oxusaq yuxumuz gəlməyə başladı. Bunun üçün uşaqlarımızdan başlayaraq bu düşüncə zəncirini qıra bilərik.
Fiziki səbəblər hansılardır?
Bu düşüncə xaricində bir də fiziki səbəblər var. Gözlərimiz sözlərin təqibi sırasında nizamlı hərəkətdə olmalıdır. Beynimizin funkisiyası belə işləyir: Beynimiz əvvəl gözlərimizin gördüyü hərflərə rəy bildirir. Bunları mənalı sözlərə, cümlələrə və paraqraflara çevirir. Bütün bunlar çox sürətli baş verir. Bu sırada beynimiz çox enerji xərcləyir və bundan əlavə göz əzələlərimiz də yorulur.
Kitab oxuyarkən yatmamamq üçün nə etməli?
Hər şeyin bir üsulu olduğu kimi bu problemi də bəzi üsularla həll etmək mümkündür. Rahat mühitdə kitab oxumağı istəməyiniz təbiidir. Yatmaq yerinə oturmağı seçə bilərsiniz. Olduğunuz mühitin çox isti olmaması əhəmiyyətlidir. İsti hər zaman yuxu gətirir. Əlinizdəki kitabı mütləq oxumalı, hətta bitirməlisinizsə, o zaman başlamazdan əvvəl yüngül məşq də edə bilərsiniz; çay, qəhvə kimi sizi oyaq saxlayacaq içkilər içə bilərsiniz.
Damla Karakuş