Menstruasiya olmadan bir həftə əvvəl duz qəbulunu azaldın. Duz bədəndə su yığılmasına səbəb olar. 

Qidalanmaya diqqət edin

Bədənimiz bəzi qidaları daha çətin həzm edir. Bu da qarında qaz yaranmasına səbəb olur. Menstruasiya yaxın dövrdə bu tip qidalara ara verməkdə fayda var. Məsələn, kələm, brokoli, noxud kimi qidalar.

Bol-bol su için

Gündə ən az 2 litr su içərək şişkinliyi böyük ölçüdə azalda bilərsiniz. Su içmək, toksinləri bədənizdən təmizləməyinizə kömək edir. Beləliklə, rahatlıq hiss edərsiniz.

Metabolizmanı sürətləndirin

Lifli qidaları biraz azaltmaq və bunun yerinə probiotiklə zəngin olan qatıq, şişkinliyə faydalı olan meyvə kimi seçimlərə üstünlük verin.

Yağlı quru meyvələr

Qoz, fındıq, badam kimi maqneziumla zəngin yağlı quru meyvələr menstruasiya dövründəki şişliyi və sancıları azaldır.

Kafein

Kafein mükəmməl ağrıkəsicidir və enerji verir. Menstruasiya dövründə lazimi miqdarda yemək ağrıları azaltmağa kömək edir. Amma daha şiddətli ağrılara da səbəb ola bilər. Kafeinin yerinə çobanyastığı çayı da içə bilərsiniz.

Bitter şokolad

Bitter şokolad seretonin səviyyəsini artırır. Bu da depresiyya və yorğunluğu azaltmağa kömək edir. Bir neçə parça şokolad sizə xoşbəxtlik verəcək.

Su

Su şişliyi atır. Şişliyə, ağrılara yol açan sodium təmizləməyə kömək edən ən asan yolu su içməkdir. Tək su içməkdə çətinlik çəkirsinizsə, içinə darçın, limon, xiyar, alma, çiyələk kimi dadlandırcılar əlavə edə bilərsiniz.

Sağlam karbohidratlar

Meyvə və tərəvəz yemək, menstruasiya dövrünündə şəkər istəyinin qarşısına keçir. Ərik, portağal, alça, armud, qarğıdalı və kök kimi sağlam karbohidratları əksik etməyin.

Menstruasiya dövrü hamıda özünəməxsusdur

Adətən 28 gün olaraq qəbul edilsə də, hər qadının menstruasiya dövrü 28 gündür demək düz deyil. Bu hal qadından qadına, aydan aya dəyişə bilir. Mütəxəssislər 21-35 gündən bir aybaşı olmağı sağlam və normal qəbul edir. 

Menstruasiya dövrünün müddəti dəyişkəndir

Menstruasiya dövrünün nə qədər davam edəcəyi insandan insana dəyişir. Bəzən 2 gün, bəzən də 1 həftə davam edə bilir. Bu hormonlarınıza və digər təsirlərə bağlıdır. Menstruasiya dövrünüz 1 həftədən çox davam edirsə, həkimə getməkdə fayda var.

Qarın ağrıları

Bu dövrdə ağrı çəkməyiniz səbəbi budur: bətndəki qanaxma ilə birlikdə əzələ yığılmaları başlayır. Bətnə gedən qan və oksigen azalır. Bu da sıxılmalara səbəb olur. 

Niyə şirniyyata ehtiyac yaranır?

Menstruasiya dövründə qan şəkəri aşağı düşə bilir, bu da şirniyyat ehtiyacına səbəb olur. Bəzən bu maqnezium çatışmazlığından qaynaqlanır. 

Sürətli arıqlama və kökəlmə

Ay ərzində sürətli arıqlayıb kökəlmə, yaşadığınız yemə pozuntuları aybaşı gecikməsinin səbəbləri arasında yer alır. Çəkiniz, aybaşını nizamlayan beyindəki hipotalamusa təsir edir. Xüsusilə, anoreksiya, blumia kimi yemə pozuntuları menstruasiya dövrünə təsir edir.

Süd verən analar

Körpə doğulduqdan sonra aybaşı gecikməsi halları ola bilər. Xüsusilə, süd verən analarda müəyyən qədər aybaşı gecikmələri müşahidə edilir. Bəzən 1-2 ay aybaşı olmaya bilərsiniz. Bədənin və hormonların bu yeni dövrə öyrəşməsi vaxt ala bilər. 

Stress

Hamının həyatında az və ya çox miqdarda stress yer alır. Az miqdar yaşanan stress insanın psixoloji sağlamlığı üçün lazımlıdır, ancaq baş verən ani hadisələrdən qaynaqlanan yüklü stress mənfi nəticələr yarada bilər. Mütəxəssislərə görə, ölüm, boşanma kimi hadisələrin yaratdığı stress aybaşı gecikməsinə səbəb ola bilər.

Xroniki xəstəliklər

Diabet və ya çölyak xəstəliyi kimi xroniki xəstəliklər də aybaşı dövrünə təsir edir. Qan şəkərində yaranan dəyişiklər hormonlara da təsir etdiyindən aybaşı nizamsızlığına səbəb olur.

Uşaq hərəkəti

Adətən idman edərkən sonda dincəlmək və dartınmaq üçün edilən hərəkətdir. Bu hərəkət stressi zəiflədir, boyun və kürək əzələlərini işlədir. Hərəkətə başlamaq üçün dizlərinizin üstündə oturun və ayaqlarınızı qatlayın. Nəfəs alaraq önə doğru uzanın. Bədənizin ayaqlarınızın arasına girməsinə icazə verin. Qollarınızı qabağa uzadın və başınızı yerə qoyun. 5 dəqiqə etmək kifayətdir.

 Körpü hərəkəti

Kürəyi üstdə uzanın və ayaqlarınızı çanaq bərabərliyində açın. Sonra dizlərinizi bükərək ayaqlarınızı yerə sabitləyin. Əllərinizi paralel olaraq yanlarda yerə qoyun. Əllərinizdən güc alaraq çanağınızı yuxarı qaldırın. Bu hərəkəti edərkən boynunuzu sağa-sola hərəkət etdirməyin! 

Kobra hərəkəti

Kobra hərəkəti ilə qarnınızı dartdığınız üçün ağrılarınız azalır. Eyni zamanda halsızlıq və stressi azaldır. Nəfəs alıb verərək üzü üstdə uzanın. Ovuc içlərini yerə qoyun, əllərinizi sinənizin yanına qoyun. Nəfəs alıb verməyə davam edərkən əllərinizdən dəstək alaraq sinənizi yuxarı doğru qaldırmağa çalışın. Dirsəklərinizi qırmayın və boynunuzu geri uzadın. 2-3 dəqiqə ərzində dartınmağa davam edin.

Tərcümə: Ustaclı