Moruq:
Yaxşı tərlədici vasitə kimi soyuqdəymədə işlədilir. Moruqu qaynadıb ona bal qatdıqda xroniki revmatizmdə və qızılcada müalicəvi vasitə kimi istifadə edilir. Tərkibində purin çox olduğu üçün podaqra ,böyrək xəstəliklərində yemək olmaz.30 q meyvənin üstünə 200 q isti su tökülüb 20 dəqiqə dəmlənir .Bundan tərləmək üçün gecə 2 stəkan içilir.
Albalı: Albalı şirəsi bəlğəmgətirici ,yüngül qarınişlədici xassəyə malikdir ,qıcqırma prosesini azaldır. Böyürtkən: Böyürtkənin meyvəsini və dəmləməsini sakitləşdirici və orqanizmi möhkəmləndirici vasitə kimi klimaks dövründə istifadə etmək məsləhət görülür. Qarının yaxşı işləməsinə şərait yaradır. Meşə çiyələyi: Meşə çiyələyindən ürək damar sisteminin xəstəliklərində ,hipertoniyada , aterosklerosda ,podaqrada və duz mübadiləsinin digər pozğunluqlarında istifadə olunur . Meşə çiyələyi bağırsaqların fəaliyyətini nizamlayır. Əncir: Ürək – damar sisteminin xəstəliklərində çox xeyirlidir. Süddə bişirilmiş ənciri yuxarı tənəffüs yollarının xəstəliklərində bəlğəmgətirici vasitə kimi qəbul edirlər. Ənciri kökəlməyə meyl olduqda ,podaqrada , kəskin xolitlərdə ,şəkər xəstəliyində yemək olmaz. Alma: Tərkibində çoxlu miqdarda üzvi turşular ,pektin ,fitonsidlər, mineral maddələr vardır. Şəkər xəstəliyində , kökəlməyə meyl olduqda turş almalar , ürək damar xəstəliyində ,podaqrada , daş əmələ gəlməyə meyl olduqda şirin almalar yemək məsləhət görülür. Almadan bişirilən kompotda c vitamini yaxşı qalır.
