Tarixə nəzər
Çoxları bilmir ki, Naringinin vətəni Çindir. 1178-ci ildə yazılmış şərq əlyazmalarında bu meyvənin 27 ən yaxşı "imperator" növlərinin olması haqqında məlumatlar mövcuddur. Bir çox ölkələrdə (ingilisdilli) Naringi "Tanjirin" (bu meyvə ilk dəfə Avropaya Mərakeş və Tanjir şəhərlərindən gətirildiyi üçün) adı ilə tanınırdi. Ona "Milad Portağalı" ləqəbi də qoyulmuşdu. Dadlı, şirin və olduqca məhsuldar olan meyvənin mövsümü noyabr və yanvar aylarıdır.
Vitamin göstəriciləri
Bir meyvədə gündəlik C vitamin tələbatının 31%-i mövcuddur. İmmuniteti möhkəmləndirir, yaşlanma əleyhinə gözəl vastədir. Bundan başqa "narıncı toplarda" B qrupu vitaminlər, vitamin P və K saxlanılır. Sitrus meyvəsi olaraq Naringi fitonsitlərlə zəngindir, bu antibiotik təsiri xəstəlik törədən bakteriaları məhv edir. "Yeni il meyvəsi" temperatur və soyuqdəymə zamanı sağalma prosesində çox gözəl effekt verir, həm də o ağciyərləri də gözəl təmizləyir ki, bu siqaret çəkənlər üçün xüsusi faydalıdır.
Naringi-"İncəbel"
Şirin olsa da, cəmi 37 kalorilidir ki, bu da kökəlmədən qorxanlara heç bir təhlükə törətmir. Bəzi məlumatlara görə yağları da parçalama gücünə malikdir və idmançılar əzələlərini formaya salmaqda Naringidən istifadə edirlər.
Naringi "portağala" qarşı
Naringi ilə bədənimizə qulluq edə bilərik. Buna pillinq və masajlar daxildir. Onun yağından hər yaş dövründə və hər növ dərilərdə istifadə etmək olar.Tətbiq spektri: ağız və burun ətrafında əmələ gələn qırışlarla mübarizədə, cövhərindən sellülitlə mübarizədə ,lasyonu ilə yağlı dərinin bərpasında, qabıqları və suyu ilə hazırlanmış maskalarla saç tökülməsinin qarşısını almaq üçün istifadə edilir. Naringi yağından aromaterapiyada da istifadə olunur: 3-5 damcı Naringi efiri 1 xörək qaşığı dəniz duzu ilə 15 dəqiqəlik masaj sizi stresdən azad edəcək.
Rapunzel üçün naringi:
Naringi vitamin B12 ilə zəngin olduğundan saç tökülməsini azaldır və saçların ağarmasının qarşısını alır. Saçların uzanmasında əsas rol oynayan kollogenlərin qurulması üçün C vitamini tələb olunur, məlumdur ki, Naringi də C vitamini deposu hesab olunur. Sağlam saçlarara sahib olmaq üçün vacib kompanentlərdən biri olan dəmirin mənimsənilməsi də vitamin C sayəsindədir. Naringinin gözəllik gücünü artırmaq üçün onu salatlara, kekslər üçün souslara, toyuq və balıq yeməklərinə də əlavə edə bilərsiz.
Saçların tez uzanması üçün Naringi maskası: 1 xörək qaşığı xardal, 2 Naringiin şirəsi, 10 damcı melisa yağı qarışdırıb saçların dibinə çəkmək və 20 dəqiqə saxlamaq və sonra saç dərisinin tipinı uyğun şampunla yumaq lazımdır. C vitaminin və askorbin turşuları ilə zəngin olan Naringi suyu saç köklərini qidalandırır və saç tellərini yumuşaldır. Melisa yağı və xardal yağ mübadiləsini, qan dövranını aktivləşdirir, kəpəyin əmələ gəlməsinin qarşısını alır.
Konservatlarla mübarizə
Çoxları düşünür ki, hal-hazırda təbii üsullarla meyvə-tərəvəz yetişdirmək mümkünsüzdür və digər qidalar kimi onların da istehsalı zamanı kimyəvi maddələrdən istifadə olunur. Naringi digər sitrus meyvələri kimi nitratlardan təşkil olunmadığından və limon turşusunun sayəsində kimyəvi maddələrlə "dostluq" etmir. Ona görə də tam əminliklə onlardan istifadə edə bilərsiz.
Seçim haqqı sizindir.
Naringinin dadını gözlə təyin etmək olar. Orta ölçülü və yastı formalılar ən turş olanlardır. Onlarda çəyrdək olmur. İri və kobud quruluşa sahib olanlar həm də asan təmizlənirlər və meyxoş olurlar. Ən şirin və sulu sortları kiçik, parlaq narıncı "klementinlərdir". Sonuncuları +6 dərəcədə uzun müddət saxlamaq mümkündür.
Ağılllı antidepresant
Depresiyanin müasir müalicəsində qida və prasedurlarda xoş ətirlərdən istifədə olunur. Naringidən alınan efir yağı depresiya, yuxusuzluq və pis əhvalı götürmək üçün ən yaxşı vastələrdən hesab olunur. Ağır iş rejimi və çətin həyat tərzi ilə mənəvi pozğunluqlar əmələ gətirir, Naringi yağının ətri bu zaman yaranan yorğunluğu aradan qaldırır və ruhi müvazinıti bərpa edir.
Naringi və fəlsəfə
Meyvə fen-şuy fəlsəfəsinin (külək və su mənasını verən təbiətdə mövcud olan həyat enerjisinin yaşanan hər yeri dolaşmasını əks etdirən qədim Çin fəlsəfəsidir) əsas elementidir. Naringi ağacı var-dövlət simvolu hesab olunur. Ay təqvimi zamanı il dəyişən zaman stolun üstü buna görə narıncı meyvələr ilə bəzədilir. Həmçinin fen-şuya görə Naringi istənilən pis enerjini udmaq xüsusiyyətinə də qadirdir.