Zeytun ağacı 2000 ilə qədər ömür sürür.Qədim əsatirlərə görə zeytun və göyərçin əmin -əmanlıq rəmzi kimi tanınır. Yunanlar zeytunu bilik və ağıl ağacı kimi tanımışlar. Quranda zeytun ağacına and içilir.
Yetişmiş zeytunun meyvəsi mədəni qüvvətləndirir,həzm sisteminə kömək edir,qarını yığır,iştahı və cinsi meyli artırır.Duza qoyulmuş zeytunu çox yemək olmaz,o adama yuxusuzluq gətirir,arıqladır.
Zeytun yarpağının qaynadılmış suyu qızdırmanı və qan təzyiqini aşağı salır.Yarpağın şirəsindən bətn iltihabı və qanaxma hallarında imalə kimi istifadə olunur.Zeytunun kökünü yarpağı ilə birlikdə suyunu buruna çəkmək zökəmə qarşı faydalıdır.Yetişməmiş meyvəsinin təpitməsi baş dərisinin kəpək verməsinin qarşısını alır.Meyvəsini duzlu suda bir müddət saxladıqdan sonra ,həmin su ilə dişləri və damağı möhkəmləndirmək məqsədilə qarqara edirlər.
Zeytun yağı mədəni yumşaldır, öd daşı, böyrək və qara ciyər sancmaları zamanı işlədilir.Ondan imalə şəklində istifadə etmək olar. Onu su ilə qatıb 1 ədəd də yumurta sarısı çalmaqla işlədirlər .
Böyrək və sidik kisəsinin xırda daşlarını tökmək üçün zeytun yağını isti su ilə qatıb istifadə edirlər.Əzələ ağrıları zamanı onunla bədəni yağlamaq məsləhət görülür.Zeytun yağının köhnəsinə daha çox üstünlük verilir.Köhnə dedikdə 7 illik yağ nəzərdə tutulur.Qoca zeytun ağacının gövdəsindən saqqız kimi çıxarılan maddə çox az tapılan zeytun saqqızıdır, hafizə üçün çox faydalıdır, köhnə və quru öskürək hallarında istifadə olunur.