Mən bu resepti bir sağlamlıq verilişində eşitdim, tez yazdım və sizinlə paylaşmağa tələsdim. İnanın ki, çox effektlidir. Mən bu reseptin bir başqa formasından istifadə edirəm. Yəni mənim reseptimdə qara gavalı yoxdur, amma fındıq var.Hərəsindən 200 qramdır. Bir də ki, mən bunu səhərlər boş mədəyə qəbul edirəm. Ən geci bir ay ərzində immuniteti elə gözəl və sağlam yolla qaldırır ki, inanılmazdır!
Sizinlə paylaşmaq istədiyim bu resepti mart-aprel aylarınadək qəbul etmək lazımdır. Bu qarışım vitamin çatışmazlığı zamanı çox böyük dərmandır. Bundan əlavə, hamiləlik dönəmində də istifadə etmək olar. Bu zaman uşaq ana bətnində bu vitaminlərlə qidalandığı üçün onda raxitlik əlamətlərinin büruzə verməsi faizi aşağı düşür.
Tətkibi:
100 qr qara kişmiş
100 qr qaysı (quru ərik)
100 qr qara gavalı
100 qr əncir qurusu
100 qr qoz ləpəsi
100 qr bal
1 ədəd limon
Qoz qabıqlı olmalıdır. Onu qabıqdan təmizlədikdən sonra ölçün ki, 100 qr olsun. Qozun tərkibində bol miqdarda Omeqa-3 yağı var və daha yaxşı olar ki, ləpə halında almayasınız.Qabıqlı qoz alın. Bal və qoz ləpəsindən başqa bütün ərzaqları ətçəkən maşından keçirin. Qozu isə bıçaqla xırda-xırda doğrayın. Üzərinə bal əlavə edib qarışdırın.
Alınan kütləni mütləq şüşə qabda və soyuducuda saxlayın. Hər gün yeməkdən 30 dəqiqə əvvəl bir yemək qaşığı qəbul edin.