Xroniki yorğunluğa qarşı:
Ofis şəraitində çalışan hər bir şəxs yorğunluqdan əziyyət çəkir. Bunun üçün hər gün aşağıdakıları təkrarlamaq yorğunluğu aradan qaldıracaq:
1. Gündə 1 dəfə içərisinə limon şirəsi sıxılmış və 1 xörək qaşığı bal qatılmış su için.
2. Hər səhər ən azı 20 dəqiqə təmiz havada gəzin.
3. Həftədə 3 dəfə içərisinə dəniz duzu tökülmüş su ilə vanna edin.
4. Pişikotunu dəmləyib, gündə 2 dəfə için.
5. Hər axşam yatmazdan əvvəl 1 stəkan isti süd için.
Bronxitə qarşı effektli məlhəm:
1.Kələmi ət maşınından keçirdib, şirəsini sıxın. 1 stəkan kələm şirəsinə 1 çay qaşığı şəkər tozu qatıb için.Şirədən gündə 3-4 dəfə içmək lazımdır.
2. 1 soğan, 3 qara turp və 2 almanı sürtgəcdən keçirdib, şirəsini çıxarın. Bu qarışıqdan gündə 3 dəfə 1 xörək qaşığı içmək lazımdır.
3. 1 stəkan qaynar suya 1 çay qaşığı razyana töküb dəmləyin. Gündə 3 dəfə yeməkdən yarım saat əvvəl bu məlhəmdən 1 xörək qaşığı için.
Radikulitə qarşı məlhəm:
1 xörək qaşığı qıtıqotu, 1 xörək qaşığı spirt, 1 xörək qaşığı sirkə və 1 yumurta ağını qarışdırın. Qazana su töküb, qaynadın, məlhəmi buxarda qatılaşana qədər saxlayın. 7 gün ərzində ağrı olan hissəyə çəkin.