Yoqa müəllimi və ya onu öyrənən olmaq ilhamverici və gözəl bir şey ola bilər. Amma məsləhətçisi olmaq bəzən yanlış anlaşmalara gətirib çıxara bilir. Vücudu və zehni dəyişdirən bu texnika haqqında ən çox bu tip düşüncələr var ki, bunların da çoxu yanlışdır. Onlardan bir neçəsi ilə də buyurun, tanış olun. Gəlin, yoqa barədə deyilən, amma tamamilə cəfəngiyyat olan fikirlərlə tanış olaq.
Yoqa etmək üçün elastik olmaq lazımdır
Əgər indi elastik əzələyə sahib deyilsinizsə, bəs 10 il, 20 il sonra nə olacaq? Bir düşünün. Əgər indi çalışmağa başlasanız, o zamana qədər əzələlərinizi tamamilə elastik edə bilərsiniz. Yoqa güc, tarazlıq və elastikliyi birləşdirən texnikadır. Hər kəsdə bunların ən az birindən var və yoqadan istifadə edərək onu digər yönlərdə də inkişaf etdirə bilər. Ona görə də bu kimi boş sözlərə inanmayın.
Kişilər yoqa ilə məşğul olmaz
Yoqa qadınlar tərəfindən başladılıb və min illər bundan əvvəl də kişilər yoqa ilə məşğul idi. Bundan əlavə, dövrümüzdə yoqa kişilər arasında məşhurlaşmağa başlayıb. Bir neçə il bundan əvvəl yoqa siniflərində qadınlar üstünlük təşkil edirdilərsə, indi bu say bərabərləşib. Kişilər, bu kimi düşüncələri özünüzə kompleks etməyin. Yoqa sağlamlıq üçündür. Sağlamlıq isə hər kəsə lazımdır.
Yoqa çox bahalıdır
Bir çox yoqa dərsləri verilən yerlərdə yeni öyrənənlər üçün pulsuz dərslər də keçirlər. Bunu bəhanə etməyə dəyməz. İndi texnologiya zamanıdır və internetdən yoqa dərslərinə baxmaq və evdə məşğul olmaq olar.
Yoqa dindir
Yoqa ruhaniyyət üzərində qurulub. Özünə və başqalarına qarşı mülayim rəftar etməyi təbliğ edir. Yoqa din deyil və heç bir dinlə də əlaqəsi yoxdur. Bütün dinlərə məxsus olan şəxslər yoqa ilə məşğul ola bilirlər.
Yoqa idman deyil
Yoqanın bir çox növü var. Daha çox hərəkətli dərslər almaq istəyənlər üçün Güc yoqası (Power Yoga) və ya Ashtanga yoqa kursları tövsiyyə edilir. Bunlar qəlb atışlarını gücləndirir və insanın güclənməsinə şərait yaradar, kalori yandırar.
Yoqa gənclər üçündür
Yaşlı insanlar da yoqa ilə məşğul ola bilərlər. Onlar mütəmadi olaraq çalışdıqları təqdirdə ən çətin hərəkətləri belə rahatlıqla edə bilərlər. Hər kəs öz sağlamlıq vəziyyətini nəzərə alaraq müəyyən dərəcələr çərçivəsində yoqa ilə məşğul ola bilər. Yoqa ilə əlaqəli xüsusi dərslər də ala bilərsiniz.
Yoqa çox vaxt aparır
Hər yoqa çalışmasının bir faydası var. Səhər tezdən 10 dəqiqəlik edilən yoqa vücudu və zehni gücləndirir. Ona görə də özünüzü bu cür bəhanələrlə aldatmayın.
Əlilliyi və xronik ağrıları olanlara yoqa ilə məşğul olmaq olmaz
Bunu sizə kim dedi? Probleminizlə əlaqədar mütəxəssisə müraciət edin və o, sizin vəziyyətinizə uyğun olan yoqa hərəkətləri ilə sizi tanış edəcəkdir. Yoqa yaxşılaşdırıcıdır və ağrının öhdəsindən gəlməkdə sizə çox böyük kömək edəcəkdir.