Estetik və sağlamlıq baxımından ciddi problemlərə səbəb olan varikoz qadınların çoxunun ortaq kabusudur. Mütəxəssislərin varikozdan qorunmaq üçün 15 məsləhətini təqdim edirik:
Qəbizlikdən qorunun
Lifli qidalar bağırsaqların təmiz olması və qəbizliyin qarşısının alınması üçün çox təsirlidir.
İdman edin
Mütəmadi olaraq gəzmək, velosiped sürmək, eləcə də üzmək bədəni sağlam saxlayar və varikozun yaranmasının qarşısını alar.
Dar şalvar və kəmərdən istifadə etməyin
Dar geyimlərdən uzaq durun. Bu cür paltarlar qan dövranını çətinləşdirir.
Ayaqlarınızı qaldırın
Televizor izləyərkən və ya kitab oxuyarkən ayaqlarınızı yuxarı qaldırın. Bu, qan dövranına kömək edir.
Balıq yeyin
Qida rasionunuzda balığa çox yer verin.
Meyvə yeyin
Albalı damarlar üçün xeyirlidir. Albalı, böyürtkən kimi meyvələri bacardıqca çox yemək lazımdır. Hər iki meyvə varikoz zamanı həm gözəl təsir edir, həm də onun yaranmasının qarşısını alır.
Zəncəfildən istifadə edin
Zəncəfillə dost olun. Zəncəfil, soğan və sarımsaq varikozun müalicəsi zamanı gözəl effekt verir.
Ayağınızı ayaq üstə aşırmayın
Uzun müddət ayaq üstə və ya oturma mövqeyində qalmayın. Ayağınızı ayağınızın üzərinə aşırıb oturmqdan da çəkinin. Ağır əşyalar qaldırmayın.
Şəkər və duz
Şəkərlə və duzla düşmən olun. Şəkər, dondurma, qızarmış qidalar, cips, tütün və duzun həddindən artıq qəbulundan uzaq durun.
Əsla kökəlməyin
Həddindən artıq kökəlmə zamanı ayaqlara düşən güc artır. Bunun nəticəsində də varikoz xəstəliyi asanlıqla özünü büruzə verməyə başlayır.
Masaj edin
Ayaqlarınıza soyuq duşla masaj edin. Bu, sağlam qan dövranı üçün lazımdır.
Ayaqlarınızı dincəldin
Gündə ən az bir dəfə hər iki ayağınızı ürək səviyyənizin üzərinə qaldırıb 20 dəqiqə uzanın. Bunun nəticəsində ayaqlarda qan toplanmır və dövran etməyə başlayır. Bu da varikozun qarşısını alır.
Fasilə edin
Əgər oturaraq iş görürsünüzsə, çalışın uzun müddət oturmayın. Tez-tez fasilə verin və ayağa durub gəzin. Ayaqlarınızı boşaldın, baş barmaqlarınızı oynadın, sonra isə ayaqlarınızı əsdirin. Bu ayaqlarınızın dincəlməsi üçün faydalı olacaqdır.
Varikoz olan yerləri qaşımayın
Genişlənmiş damarlarınızı qaşımayın. Unutmayın ki, dəriniz incəldiyi üçün qaşınma zamanı infeksiya riski də artır. Dəri baxımına böyük əhəmiyyət verin.
Ayaqlaırnızı nəmləndirin
Hər duşdan sonra ayaqlarınızı nəmləndirin. Ayaqlarınıza krem vuraraq onu həm qidalandırmış, həm də yumşaq olmasını təmin etmiş olarsınız. Kremi masajla ayaqlarınıza çəkin.