Yaşınız və fiziki durumunuz necə olursa olsun, gənclik, sağlamlıq və canlılıq qazanmaq istəyirsinizsə bu idman hərəkətlərini istifadə edin. Bu hərəkətləri edərkən asta və dərin nəfəs almaq bəs edər. Nəfəs alıb vermə bu hərəkətlərə doğurdan da faydalı olur.
Peter Kelder- in yazdığı "Ancient Secret of the Fountain of Youth" (Cavan qalmanın qədim sirləri) adlı kitabda yer alan bu hərəkətlər bir çox xəstəliklər üçün cox faydalıdır.
Başlanğıçda hər hərəkətdən 3 dəfə edilməsi tövsiyyə edilir. Daha sonra hər həftə təkrar sayı 2 say artıraraq 21-ə çatana qədər davam edin. Yəni 2 həftə hər hərəkəti- 5 dəfə, 3 həftə-7 dəfə, 4 həftə 9 dəfə və bu şəkildə artıraraq davam edin.
Bu 5 hərəkəti bitirdikdən sonra ilıq yada sərin su ilə duş almaq tövsiyə edilir. Amma əsla soyuq su ilə yuyunmayın.
1ci hərəkət:
Faydaları: qan dövranını aktiv işlədərək, varikoz damarlara, osteoporoza və baş ağrısına kömək edir. Hər gün etsəniz bədəninizi gəncləşdirməkdə ilk addımlar atmış olarsınız.
Tətbiqi: Qollarınızı yana açın, bir şərtlə ki ovuclarınız yerə baxsın və saat istiqamətində fırlanın.
2-ci hərəkət:
Faydaları: Qalxanabənzər vəz, böyrəküstü vəz, böyrəklər, həzm orqanları, prostat və uşaqlıq da daxil olmaqla cinsi orqanlar və vəzlər üzərində faydalı təsiri var. Arterit, osteoporoz, nizamsız aybaşı, klimaks əlamətləri, həzm və bağırsaq problemləri, kürək ağrısı, ayaq və boyunlardaki sərtliyə yaxşı təsir edir.
Tətbiqi:
1-arxası üstə uzanıb əllərinizi yana qoyun.
2-çənənizi sinənizə doğru yaxınlaşdırın.
3-dizlərinizi düz açmaq şərtilə ayaqlarınızı yuxarı qaldırıb endirin.
3-cü hərəkət:
Faydaları: İkinci kimi üçüncü də qalxanabənzər vəzi, böyrəküstü vəzləri, böyrəkləri, həzm orqanlarını, prostat və uşaqlıq da daxil olmaqla cinsi orqanları gəncləşdirir. Klimaksa girmiş və nizamsız aybaşı dövrləri keçirən qadınlar üçün xüsusilə yaxşıdır.
Tətbiqi:
1-Bədəninizi dik tutaraq dizləriniz üstündə durun. Əllərinizi ombalarınızın altına dayayın
2-çənənizi sinənizə yaxınlaşdırın.
3-Başınızı yavaşca mümkün olduğu qədər geriyə doğru edərkən, kürəyinizi arxaya doğru hərəkət etdirin.
4-cü hərəkət:
Faydaları: Qalxanabənzər vəzi, həzm sistemi, prostat və uşaqlıq da daxil olmaqla cinsi orqanları və vəziləri, qan dövranı və limfa düyününə canlılıq verən bir faydası var. Qarın nahiyəsini, qolları və çiyinləri gücləndirir, əgər burun boşluğunda tutulmalar varsa bu hərəkətlə burun dəlikərinizin açıldığını da hiss edəcəksiniz.
Tətbiqi:
1-Ayaqlarınızı qabağa doğru uzadaraq yerə oturun. Ayaqlarınız azacıq aralı olsun və əllərinizi yerə qoyun.
2-Çənənizi sinənizə doğru əyin.
3-Başınızı mümkün olduğu qədər arxaya doğru əyin.
4-Qollarınızı düz tutaraq dabanlarınızı və əllərinizi yerə basarkən dizlərinizi bükün və gövdənizi yerə paralel olacaq şəkildə qaldırın. Əzələlərinizi bir müddət boşaldın və özünüzü rahatlayın.
5-ci hərəkət:
Faydaları: İmmunitet sisteminə çox böyük faydası olan qan dövranı və limfatik axının güclənməsinə kömək edir. Digər hərəkətlərdə olduğu kimi daha çox klimaks və düzənsiz menustrasiya müddətində ağrıları azaldır.
Tətbiqi:
1-Qollarınız dik və bədəniniz aşağı əyilmiş halda (kobra ilanı) durun. Ovuclarınızı yerə qoyun. Başınızı yumşaq bir şəkildə mümkün olduğu qədər geriyə yatırın.
2-Ayaqlarınızı və əllərinizi oynatmadan budunuzu yuxariya qaldırın və bədəninizlə tərs “V” şəkilini meydana gətirin. Çənənizi sinənizə doğru yaxınlaşdırın.
Hər zaman sağlam olun.