Bu gün mən bir çox qadınlarımızın sevdiyi yasəmən gülü haqda danışmaq istəyirəm. Bəs biz bu qədər sevdiyimiz gül haqda və ya onu niyə bu qədər sevdiyimizi bilirikmi?
Bir çox ölkələrin öz milli gülləri olduğu kimi yasəmən gülü də Filippin adalarına aid gül hesab olunur. Düz başa düşdünüz, yasəmən gülünün vətəni Filippin adalarıdır. 1937-ci ildə Filippin hökuməti yasəmən gülünü dövlətin milli gülü kimi təsdiq edbi. Bu ölkədə ən əziz qonaq əldə yasəmən gülü ilə qarşılanır. Yasəmən gülü həm də Lənkəran dağlarında bitir.
Bu gülün məhlulu ilə kompres etdikdə üzdə olan qara ləkələr solur və çox vaxt taməmilə təmizlənir. Yasəmən gülünün suyu ilə saçları yaxaladıqda saçlara parlaqlıq verir, günəş şüasından qoruyur. Enliyarpaq yasəmənin yarpaqları dəri xəstəliklərində, ağız yaraları və diş ağrısı zamanı istifadə edilir. Çiçəklərinin suyu ilə yorğun gözlərin yuyulmasında istifadə edilir. Yasəmən gülünün ətri əsasən də qadınların əsəblərini sakitləşdirir. Yasəmən ətirli parfümlərdən istifadə etdiyimiz zaman həm ətrafdakılara xoş təsir bağışlayırıq, həm də bütün günü pozitiv oluruq. Çünki yasəmən çiçəyinin ətri əvvəlcə bizim ağciyərlərimizə daxil olur, daha sonra isə qan və beynimizə doğru hərəkət edir və bu zaman neyronların genişlənməsinə şərait yaradır. Beləcə əsəbləri sakitləşdirir. Mütəxəssislər qadınların daha çox yasəmən ətrli parfümlərdən istifadə etməyini, evdə daha çox yasəmən çiçəyi bəsləməyi məsləhət görürlər. Yorğun bir günün sonunda yasəmən ətrli duş gelindən istifadə və ya vanna qəbul etsəniz, inanın ki körpə uşaq kimi rahat olacaqsınız. Yasəmən gülünün kimyəvi qarışığından bir çox üz və saç maskalarında da istifadə olunur.
İndi isə bu möhtəşəm gülün bir neçə növü ilə sizləri tanış etmək istəyirəm.
Amur yasəməni
Enliyarpaq yasəmən
Fars yasəməni
Macar yasəməni-çox gözəl, özünəməxsus, təkrarsız ətri olan bu çiçək həm də baharın ilk müjdəçisidir. Yasəmən romantik və sevgi gülü kimi də tanınır.
Yasəmən gülü sədaqət, məhəbbət və paklıq gülü hesab olunur. Beləliklə, əziz xanımlar, bu gözəl, gözoxşayan gülün başqa faydalarını da öyrənmiş olduq.
Hər birinizə gül kimi gözəl və təravətli olmağınızı arzu edirəm.