Dişlərin sağlam olmasının ilk şərti onları hər gün səhər və axşam yumaq ,yeməkdən sonra yaxalamaqdır Dişləri diş tozu yaxşı təmizləyir ,bir qutu diş tozuna bir çay qaşığı çay sodası əlavə etdikdə dişlərə daha yaxşı təsir edir. Ağızdan iy gəlirsə onu tez-tez kalium permanqanatla (açıq çəhrayı rəngdə) yaxalamaq lazımdır.Əgər ağızdan gələn iy soğan,sarımsaq və s yeməklə əlaqədardırsa ,onda dişləri nanəli pasta ilə yumaq ,2-3 qurtum çiy süd içmək ,alma yemək ,ya da bir çimdik çay çeynəməklə yox etmək olar.Dişlərin ,badamcıqların ,mədə bağırsaq yollarının xəstəliklərində də ağızdan iy gələ bilər.Bəzən ağızın künclərində xırda lakin ağrılı çatlar əmələ gəlir.Bunlar orqanizmdə B qrupu vitaminlərinin çatışmazlığı üzündən baş verir. Bu vitamin göyərtidə ,mayada ,arpa ununda ,yulaf və qarabaşaq yarmasında ,ətdə ,süddə ,pendirdə olur.Bu ərzaqları bir qədər çox yemək və B vitamini qəbul etmək lazımdır.Bundan başqa həmin yerə gündə 1-2 dəfə sürvə dəmləməsi ,brilyant abısı və ya "uşaq kremi"çəkmək və sonra nistatin məlhəmi sürtmək lazımdır.Dodaqların təravətini və təbii rəngini saxlamaq üçün onların qurumamasına ,qabıq verməməsinə çalışmaq lazımdır.Dodaqlar qurumasın deyə onlara rəngsiz gigyenik pomada çəkmək ,axşamlar isə dodaqları yağlı krem ilə silmək və bir az kremi üstündə saxlamaq lazımdır.Ağızın ətrafında əmələ gələn qırışların qarşısını almaq üçün xüsusi gimnastika etmək lazımdır:ağzınızı açın ,dodaqlarınızı "O","U" demək istəyirmiş kimi yumrulayın və bunu bir neçə dəfə təkrar edin.
XƏBƏR LENTİ
- ŞƏRHLƏR