Payızın gəlişi insan orqanizmində bir çox xroniki xəstəliklərin yaranmasına və ya ağırlaşmasına səbəb olur. Buna görə də immunitetimizi möhkəmləndirməyin əsil vaxtıdır. Sizə bir neçə resept təqdim edirəm.
Resept 1.
300 q qoz ləpəsi, 300 q ərik qurusu və 300 q kişmişi 2 limonla birgə ət maşınından keçiririk. Bunları 300 q balla qarışdırırıq. Hər gün səhər 1-2 çay qaşığı yemək lazımdır. Bu qarışığı soyuducuda saxlanmalıdır.
Resept 2.
250 q üçillik aloe yarpaqlarını ət maşınından keçiririk. Üzərinə 500 q bal və 500 ml kaqor əlavə edib qarışdırırıq. 5 gün qaranlıq yerdə saxladıqdan sonra gündə 3 dəfə bir çay qaşığı ilə qəbul etmək lazımdır (yeməkdən 30-40 dəqiqə qabaq).
Resept 3.
30 q qara qarağatın üzərinə 50 ml qaynar su tökürük. İsti yerə qoyuruq ki, 1-1.5 saat dəm alsın. Sonra üzərinə 100 q bal əlavə edib yaxşı-yaxşı qarışdırırıq. Bu çayı gün ərzində 2-3 dəfəyə qəbul etmək lazımdır.
XƏBƏR LENTİ
- ŞƏRHLƏR