Kətan yağının tərkibinə çoxsaylı vitaminlər, fermentler daxildir. Sevərək istifadə etdiyim və müsbət təsirlərini gördüyüm bu yağ haqqında istərdim sizlərə də məlumat verim.
Kətan yağı- Flax seed, Linseed oil və Linum adları ilə də tanınır. Kətan toxumlarından əldə edilən bu yağın rəngi sarı və ya yaşılımtıl sarı olur. Yüngül qoxuludur.
Kimyəvi tərkibi- Tərkibində F (46%), A, E, vitaminləri, minerallar, çoxsaylı yağ turşuları vardır.
Kosmetik təsirləri- Kətan yağı dərini yumşaldır, möhkəmlədir, qıcıqlanmanın qarşısını alır. Eyni zamanda dərini cavanlaşdıran bu yağ saçlar üçün də çox xeyirlidir.
Müalicəvi təsirləri- Qanda xolesterilin miqdarını aşağı salır, yağ mübadiləsini normallaşdırır, qan təzyiqini aşağı salır, qanda laxtalanmanın qarşısını alır, astmanın müalicəsində, şəkərli diabet xəstəliyinin ilkin mərhələsində istifadə edilərsə çox yaxşı nəticə verir, beyni qidalandırır, cinsi hormonlarının ifrazını gücləndirir, avitaminozun qarşısını alır, əsəb sistemini sakitləşdirir, qəbizliyi aradan qaldırır.
Uşaq orqanizminin inkişafına çox müsbət təsir edən kətan yağı vegetarianlar üçün məsləhətlidir. Belə ki, kətan yağı yeganə yağdır ki, tərkibindəi yağ turşuları balıq yağında olduğundan 2 dəfə çoxdur.
İstifadə qaydası- Gün ərzində 1 və ya 2 xörək qaşığı daxilə qəbul edilə bilər. Bundan əlavə maska şəklində də istifadə etmək mümkündür.
Saxlanma qaydası- 10 dərəcə temperaturdan yuxarı olmadan 1 il müddətinə saxlanıla bilər. Ağzı açılmış halda isə istifadə müddəti 1 aydır. Yağ tez turşuduğuna görə işıq və istidən uzaq tutulmalıdır.
XƏBƏR LENTİ
- ŞƏRHLƏR