Aparılmış yeni bir tədqiqata əsasən məlum olmuşdur ki, güclü pəhrizlə meymunların ömrünü uzatmaq olur. Azaldılmış yemək ilə bəslənən meymunların daha uzun yaşadığına dair yeni tapıntılar indiyə qədər olan nəticələrə yeni bir baxış gətirir. Viskonsin Universitetində 1989-cu ildən aparılan araşdırmada 38 meymun istədikləri qədər yemiş, 38 meymun isə 30 faiz azaldılmış qida ilə bəslənmişdir. İlk qrupdakı meymunların yaşa görə ölüm nisbəti az qala iki qat yüksək çıxmışdır.
ABŞ Milli Yaşlanma İnstitutunda aparılan və 2012-ci ildə tamamlanan başqa bir təcrübədə isə bunun tam əksi müşahidə edilmişdir. Meymunların az yeməyinə baxmayaraq, onlar daha uzun yaşamamışdılar. Visconsin qrupu bu təcrübənin nəticələrini qəbul etməmiş və onların təcrübə zamanı nəyisə səhv etdiklərini bildirmişlər.
İki qrupun üsulları arasındakı fərqlilik müşahidələrin fərqli olduğunu göstərir. Buna görə də qruplar bir araya gəlib məlumatları birlikdə analiz etməyə qərar verirlər. Beləliklə, yaş, çəki, qidadakı şəkər nisbəti və s. amillərin təsirlərinin araşdırılmasını hədəfləyirlər: "Hələlik yaşlanmanın mexanizmlərini qavramağa çalışırıq. Bunlara əsaslanaraq, necə bəslənəcəyimizə qərar vermək üçün hələ çox tezdir".
Uşaq və gənclərin yanlış qidalanma vərdişləri sağlamlıq problemlərinin yaranmasına səbəb olur. Uşaqlıq dövründəki yanlış bəslənmə yüksək təzyiq, ürək-damar və həddindən artıq köklük kimi xəstəliklərin yaranmasına zəmin hazırlayır.
Sağlam qidalanmaq üçün səhər, nahar, şam yeməyi mütləq yeyilməlidir. Gün ərzində süd qəbul edilməlidir. Sümüklərin sağlamlığı üçün kalsium cəhətdən zəngin olan süd, pendir, qatıqdan istifadəyə diqqət göstərilməlidir. Bol miqdarda meyvə-tərəvəzlə gündə ən az 8-10 stəkan maye içilməlidir. Şəkər, duz və yağ tərkibi yüksək qidaların qəbulunun bir çox xəstəliklərə şərait yaratdığı unudulmamalıdır.
Təmiz və mikrobsuz qidalardan istifadə etməyə diqqət göstərmək lazımdır. Meyvə-tərəvəz bol su ilə yuyulmamış yeyilməməlidir. Bağlı halda alına bilən qidalar açıq halda alınmamalıdır. Əllər yeməkdən əvvəl mütləq yuyulmalıdır. Unutmayın ki, çirkli əllər bir çox mikrob üçün gözəl sığınacaqdır.
XƏBƏR LENTİ
- ŞƏRHLƏR