Həzm
Mədə - bağırsaq traktatının işi – hərəkətlərin ritmik simfoniyasıdır. Mədə əzələlərini idarə edə bilməsəniz də , bədəninizin digər əzələlərini fiziki yükləndirməklə mədə əzələlərinə də təsir etmiş olursunuz. Qəbizliyin ən yaxşı müalicə üsullarından biri gəzintidir. Gəzinti zamanı bağırsaq ifraz olunan kütləni hərəkət etməyə məcbur edir və bununla da yoğun bağırsağın məhsuldarlığını artırır. Müəyyən fiziki hərəkətlər proqramı mədə və onikibarmaq bağırsaq xorası olan xəstələr üçün də faydalıdır. Fiziki fəallıq - əsəbilikdən, kefsizlikdən və narahatçılıqdan konstruktiv qurtuluş yoludur.
Sinirlər
Əzələ fəaliyyəti sinir sisteminin fəaliyyəti ilə sıx əlaqədardır. Əzələlərin işinə mərkəzi sinir sistemi nəzarət edir. Belə ki, baş beyin qabığında xüsusi əmr göndərən zona vardır. Əlinizi qaldırmaq istəyəndə beyin qabığının uyğun hüceyrəsi müəyyən siqnal göndərir və əliniz hərəkətə gəlir. Hər bir yaxşı pianoçu sinir və əzələlərin birgə işini məşq etdirmək üçün qammaları və digər dərsləri dəfələrlə çalmağın nə qədər vacib olduğunu bilir. Fiziki məşğələlər də bədənin bütün hissələrinin rəvan və yüngül qarşılıqlı təsirini təmin edir. Düzgün fiziki məşğələlər bütövlükdə sinir sisteminin işini tarazlaşdırır və orqanızmin sağlamlığı bu tarazlıqdan çox asılıdır.
Nəticə:
Siz nə edə bilərsiniz?
1. Artıq heç bir səbəbdən özünüzə bəraət qazandırmayın. Özünüzə kömək edin – idmanla məşğul olun. Həyat üçün fiziki məşğələlər qida qədər əhəmiyyətlidir. Yadda saxlayın istifadə etmədiyiniz şeyləri itirirsiniz.
2. Nəbzin tezliyini dəqiqədə 60 döyüntüyə endirməklə ürəyinizə kömək edin. Əzələlər “ikinci ürəyə “ çevriləcək və tez gəzinti zamanı qanı ürəyə vurmağa kömək edəcək.
3. Gündə azı 3 km piyada gəzin. Əgər lifti olan binada işləyirsinizsə , lifdən istifadə etməməyə çalışın və pilləkənləri ayaqla qalxın.
4. İdman hərəkətlərini yerinə yetirin , müəyyən rejimlə yaşayın , təmiz havada gəzin , dərindən nəfəs alın. Bununla siz sinirlərinizi sakitləşdirər, həzm prosesini yaxşılaşdırarsınız.
Sonda hamıya uzun, amma sağlam ömür arzu edirəm. Necə deyərlər , hər kim yüz il yaşamasa , günah onun özündədir!