Bu pəhriz barədə artıq əvvəlki xəbərdə məlumatlar vermişəm. İndi isə gələk, bu pəhrizdəki qidalanma proqramına.
08:00 - 1 ədəd alma və ya portağal
10:00 - 1 kasa yağsız mərcimək və ya tərəvəz şorbası
12:00 - 100 q yağsız ət, 250 q tərəvəz
15:00 - 1 kasa yağsız mərcimək və ya tərəvəz şorbası
18:00 - 100 q yağsız ət, 250 q tərəvəz (günorta fərqli olsun.)
20:00 - 1 ədəd alma və ya portağal
Toyuq, balıq, qırmızı ət (yağsız) və ya 1 yumurtanın sarısını günorta, ağını isə axşam yeyə bilərsiniz.
Tərəvəzlər, kahı, pomidor, gül kələmi, brokkoli, ispanaq, hər növ kələm, yaşıl yarpaqlı tərəvəzlərin də hamısı, qırmızı çuğundur, hər növ turp yeyilə bilər.
Yeməklərinizə qırmızı istiot, qara istiot, duz, sarımsaq tozu, limon və sirkəylə dad qata bilərsiz.
Yağ və şəkər qəti qadağandır.
Gün ərzində ən az 2 litr su içməyiniz şərtdir. İstədiyiniz qədər xiyar yeyə bilərsiniz.
Şəkərsiz çay, qəhvə içə bilərsiniz (dadlandırıcı şərbətdən istifadə edə bilərsiniz, amma zərərli olduğunu da unutmayın).
Həftədə bir gün pəhriz "Coca-cola"sı içə bilərsiniz (amma o, adamı tez acdırır).
Ara yeməyiniz yoxdursa, onu alma ilə əvəz edə bilərsiniz.
İlk günlər baş ağrınız ola bilər. Ağrıkəsici içə bilərsiniz.
Ağır idman etmisinizsə, yarım alma yeyə bilərsiniz.
İrəlidəki dövrlərdə 3-5 gün çəki azalması dayandısa, bir gün alma pəhrizi tuta bilərsiniz. 6 paya sadəcə 1 alma yeyə bilərsiniz.
Bu pəhrizə mütləq olduğu kimi əməl etmək şərtdir. Siyahı xaricinə çıxıldığı zaman arıqlama prosesi bir neçə gün dayanar, amma siyahıya uyğun saxlanılarsa, o zaman hər gün müəyyən qədər çəki azalması baş verər.
Bu pəhriz 23 günlük və ya 43 günlük proqram halında tətbiq oluna bilər. Təkrarı isə 6 həftədən sonra edilməlidir.
Bu pəhrizi saxlayanların ilk problemi pəhrizin kalorisinin aşağı olmasıdır. Bir günlük nümunə ilə bir menyunu sizlərlə paylaşaraq bu pəhrizin gündəlik kalorisinin təxmini dəyərlərini hesablamağa çalışacağam.
Menyu nümunəsi
Səhər: 1 alma - 60 kalori.
Ara pay: 1 dolu yemək qaşığı ilə kələm şorbası - 50 kalori.
Nahar: 250 q qaynadılmış brokkoli - 87 kalori, 100 q qızardılmış toyuq filesi - 150 kalori.
Ara pay: 1 dolu yemək qaşığı ilə kələm şorbası - 50 kalori.
Axşam: 250 q qarışıq salat - 100 kalori, 100 q yağsız dana əti (qaynadılmış) - 100 kalori
Ara pay: 1 alma - 60 kalori.
Cəmi: 657 kalori.
Deyildiyi kimi, bu, 500 kalorilik bir pəhriz deyil. Əlbəttə ki, gündəlik qəbul etməyimiz lazım olan kaloridən çox aşağıdır, amma pəhriz olduğu üçün aclıq hissi tez-tez gəlir.
Bu pəhrizdə sağlamlığımıza zərərli hiss etdiyimiz məqamları qeyd etmək istəyirəm. Əvvəlcə sağlam bir insanın gündəlik qəbul etməyi lazım olanlara nəzər salaq.
1. Yağ və şəkər (şəkərə qadağa qoyub, yağdan istifadəni bitki mənşəli yağlar və yağlı toxumlar ilə tarazlayın.)
2. Ət qrupu (balıq, toyuq, hind quşu məhsulları)
3. Tərəvəz və meyvə
4. Süd qrupu (pendir, ayran, qatıq, kefir)
5. Çörək və taxıllar (tam taxıl çörəyi, düyü, makaron, plov, yarma kimi)
6. Gündə ən az 2.5 litr su
İndi isə pəhrizimizi qiymətləndirək.
1. Bildiyimiz kimi pəhriz zmanı yağdan istifadə eidlməməlidir. Onsuz da qəbul etdiyimiz qidaların tərkibində yağ var. O zaman birinci varianta yağ baxımından heç də tərs düşmürük. Şəkərə gəldikdə isə onu deyə bilərəm ki, heç bir pəhrizdə şəkərə icazə verilmir. O zaman bunun müzakirəsinə ehtiyac yoxdur.
2. Bu pəhrizdə onsuz da gündəlik 200 q ət və ya ət məhsulları yeyə bilirik. O zaman burada da bir səhv yoxdur.
3. Gündəlik 500 qr tərəvəz yeyərək almağımız lazım olan qidanı alırıq. Yəqin ki, başqa bir pəhrizdə daha çoxuna rast gəlməmisiniz. 2 boşqab meyvə yediyimizə görə düşünürəm ki, hər şey yaxşıdır.
4. Bu pəhrizdə təəssüf ki, süd qrupuna aid heç bir qida yoxdur. Bu, pəhrizin bir parçasıdır. Amma pendir, qatıq, süd kimi qidaların zülal ehtiva etdiyini düşündüyüm üçün mən yeyə biləcəyimizi düşünürəm. Birazdan öz fikrimlə hazırladığım menyuda görəcəksiniz.
5. Bəli, gəldik taxıl qrupuna. Pəhrizdə bu qrupa aid heç bir qida yoxdur. O zaman özümüzdən nəsə kiçik bir əlavə etməliyik.
6. Sudan isə danışmağa dəyməz. Normal insan belə gün ərzində bol su içməlidir və bütün pəhrizlərin də tərkibində bol su şərti var.
Gördüyünüz kimi, düşünüyünüzün əksinə, çox zərərli bir pəhriz deyil. Əlbəttə, hər pəhriz kimi müvəffəqiyyətli və uğursuz nöqtələri var. Əhəmiyyətli olan bunları tapıb yenidən yoxlamaqdır. Onsuz da hansı pəhrizə tam mənasıyla əməl edirik ki.
İndi gələk mənim özümə uyğunlaşdırdığım gündəlik menyuya. Pəhrizin menyusunda çox az dəyişiklik etmişəm.
Səhər: 1 alma, 1 portağal, 1 heyva, ya da 1 naringi (amma yalnız bu variantlardan sadəcə bir dənəsi)
Ara pay: Sevdiyniz hər hansı şorba, amma yağsız olmaq şərtilə.
Nahar: 100 q yağsız qatıq, ya da 100 ml süd, 100 q ət, 250 q tərəvəz.
Ara pay: Yağsız şorba və bir ədəd qoz.
Axşam: 100 q ət, 250 q tərəvəz
Ara pay: 1 alma, 1 portağal, 1 heyva, ya da 1 naringi (amma yalnız bu variantlardan sadəcə bir dənəsi)
Bəli, bu mənim tətbiq etdiyim bir menyudur. Süd qrupunu da əlavə etdim. Bəzi gün qatıq yerinə pendir, ya da ayrandan istifadə etdiyimiz olur.
Mən belə kiçik dəyişikliklərlə bu pəhrizi tətbiq edirəm və arıqlaya bilirəm. Sizlərə edin və ya etməyin deyə bilmərəm, amma sadəcə öz təcrübələrimi sizinlə bölüşə bilərəm.
İstifadə edənlərə uğurlar arzu edirəm.
Müəllif: Elissa