Yay fəsli ərəfəsində yığdığınız əlavə çəkini, orqanizmə ziyan vermədən, 3-4 kq necə arıqlamaq olar?
İlk növbədə dietoloqlar, birdən-birə yeməklərdən imtina etməyi məsləhət görmürlər. Çünki aclıq hiss edən kimi siz normadan da artıq yemək yeyəcəksiniz. Bundan başqa, səhər, günorta və ya şam yeməyi qəbul etmədikdə orqanizmdə zəhərli maddələr (toksinlər) əmələ gəlir. Və belə bir halda arıqlamaq yerinə, dərialtı toxumaların xəstəliyi başlayır.
Sadəcə olaraq konfet və pirojnanı qismən azaldın. Badam, qoz, fındığı isə rasionunuzdan tamamilə ləğv edin.
Ət, balıq, yağsız pendir və süd, kahı, meyvə yeyin. Bütün bunlarda mineral duzlar və vitaminlər var.Mədə və böyrəklərin fəaliyyətini stimullaşdıran mineral sular için. Gündə 15 dəqiqə tez templə piyada gəzinti və 10 dəqiqə fiziki hərəkətlər edin.
Çəkisini 5 kq və daha çox azaltmaq istəyənlərə belə bir məsləhət. Mütləq əvvəl həkimə müraciət edin. Əgər həkim, piylənməyə meylinizi nəzərə alaraq sizə bizim təklif etdiyimiz üsullardan ən uyğun olanını seçməyə kömək edəcək. Özünüzün qida rasionunuzu azaldın, enerji sərfinizi isə artırın. Arıqlamaq istəyən kök qadınlara bir neçə məsləhətim var:
1) İlk növbədə bədəninizi sevin və onunla fəxr edin. Özünüzə münasibətiniz necədirsə, ətrafdakılar da sizə o cür münasibət bəsləyəcəklər.
2) Çalışın mətbəxdə, evdə az oturun. Tez-tez rəqs edin, gəzintiyə çıxın.
3) Həyat yoldaşınızı ət və xəmir yeməklərindənsə, sığal və məhəbbətlə bəsləyin.
4) Özünüzü gözəl təqdim etməyə çalışın. Yerişiniz qürurlu və ahəstə, formalarınız-seksual, əhval-ruhiyyəniz isə xoş olsun.
5) Arıqlamaq qərarına gəlmisinizsə - bu prosesi bir neçə hissəyə bölün. Birinci mərhələ - nə kökəlmək, nə arıqlamaq.
İkinci mərhələ - nəzərdə tutulmuş normaya qədər çəkinizi azaltmaq.
Üçüncü mərhələ - əldə etdiyiniz və xoşunuza gələn nəticəni eyni səviyyədə qoruyub-saxlamağa çalışmaq.
Yuxarıda qeyd etdiyimiz kimi, arıqlamaq üçün ac qalmaq vacib deyil. Biz sizə az kalorili yeməklərin reseptini təqdim edirik.
Rusiya estradasının ulduzu Larisa Dolina xanımlara özünün arıqlama reseptini təqdim edir. Xanımları xəbərdar edək ki, yalnız saat 18.00-a qədər qida qəbul etmək lazımdır. Bu pəhrizin köməyi ilə bir həftə ərzində 7 kiloya qədər qədər arıqlamaq olar.
1-ci gün: 5 dənə qabığı ilə qaynadılmış kartof və 0,5 litr kefir.
2-ci gün: 200 qr xama və 0,5 litr kefir.
3-cü gün: 200 qr kəsmik, 0,5 litr kefir.
4-cü gün: 0.5 qram qaynadılmış duzsuz toyuq əti, 0,5 litr kefir.
5-ci gün: 1 kq alma və ya 0.5 kök, və ya 300 qr qara gavalı, 0,5 litr kefir.
6-cı gün: 1 litr kefir.
7-ci gün: 1 litr mineral su.