Dr. Mehmet Özün bir neçə qida sadalayıb ki, bu qidalar ara paylar zamanı da rahatlıqla qəbul edilə bilər. Çünki onlar yağ yandırmaqla arıqlamağınıza böyük kömək edəcək.
Əncir
Bu meyvə sizi daha uzun müddət tox tutar. Əncir lif baxımından olduqca güclüdür. Lif qaynağı olan bu qidanı qəlyanaltı kimi yemək həm daha az yemənizə, həm də yağ yandırmağınıza köməkçi olar. Bundan əlavə canınız şirin bir şey istədiyi zaman əlavə şəkərli qida qəbul etmək istəmirsinizsə, rahatlıqla əncir yeyə bilərsiniz. Ənciri təzə halda və eləcə də quru şəkildə yeyə bilərsiniz.
Biyan kökü
Biyan kökü piy yaranmada böyük rol oynayan fermentlərin işini zəiflədər və eləcə də sizin uzun müddət tox qalmağınıza köməkçi olar. Çünki o, aclıq böhranlarının qarşısını alır.
Paxlalı bitkilər
Həll edilə bilən lif qaynağı olan paxlalı bitkilər həzm kanalında sağlam bakteriya meydana gəlməsini dəstəkləyir və iltihablanmanı azaltmağa köməkçi olur.
Qarpız
Yayın ən sevilən meyvələrindən olan qarpız amin turşularını artırar və maddələr mübadiləsini sürətləndirər. Bundan əlavə qarpızın çoxu su olduğu üçün bədənə kifayət qədər su verir. Yağ yandırmağa başlamaq üçün ehtiyacınız olan tək şey gündə 150 ​​qram qarpız yeməkdir.
Püstə
Püstənin sağlamlığımıza çox faydası vardır. Lif, zülal və sağlam yağ ilə bol olan püstə tox qalmanıza köməkçi olarkən yeməyi çox yeməyinizin qabağını ala bilər. Evdən çıxmazdan əvvəl yanınıza alacağınız kiçik bir ovuc püstə sizə kömək edəcək.
Şam fıstığı
Şam fıstığının tərkibi doymamış yağlar baxımından boldur. Eyni zamanda beynə tox olduğunuza dair siqnallar çatdıran bir qidadlr. Ona görə də o tox qalmağınıza yardım edər. Həftədə üç dəfə iki yemək qaşığı qədər istehlak etməyə çalışın.
Mehmet Özdən bir peçenye resepti
Arıqlamaq üçün peçenye yeyəcəksiniz. Səhv oxumadınız! Bu zülalla bol peçenyelər şirin böhranlarınızın öhdəsindən gəlməkdə sizə kömək edəcək. Espressoyla birlikdə yemək kefinizi ikiqat yaxşılaşdıracaq və bədəninizi daha uzun müddət tox qalması üçün aldada biləcək.
Tərkibi:
150 q təbii fıstıq əzməsi
2 ədəd yumurta
75 q tünd şəkər
170 q dadlandırılmamış alma püresi
1 çay qaşığı vanilin
1 çay qaşığı qabartma tozu
170 q yulaf
65 q üyüdülmüş kətan toxumu
¼ çay qaşığı duz
4 qaşıq şokoladlı soya zülalı tozu
Hazırlanması:
Sobası əvvəldən 180°C-də qızdırın. Yumurta, tünd şəkər, alma püresi, fıstıq əzməsi və vanilini qarışdırın. Zülal tozu, yulaf, kətan toxumu yağı, duz və qabartma tozunu əlavə edin. Qaşıq dolusu xəmiri peçenye əlibinə tökün və təxminən 10 dəqiqə bişirin.