DataLife Engine > PRINT > Artıq çəkidə olmağın 8 səbəbi

1. Kifayət qədər yatmamaq

Kifayət qədər yatmır və dincəlmirsinizsə, kökəlməyiniz qaçılmazdır. Çünki gec saatlara qədər oturduğunuz zaman hormon səviyyənizdə dəyişikliklər meydana gələrək iştahanız artar və gecə nəsə yeməyinizə səbəb olar.

2. Stress

Stress hormonu olan kortizol iştah artımına səbəb olur. Bu da stresli zamanlarda yüksək kalorili qidaları qəbul etməyə yönəlməyinizə səbəb ola bilər.

3. Antidepresantlar

Bəzi antidepresantların əks yan təsirlərindən biri də kökəlməkdir. Əgər istifadə etdiyiniz antidepresantın çəkinizin artmasına səbəb olduğunu düşünürsünüzsə, müalicə planında dəyişiklik etmək üçün mütləq həkiminizə müraciət edin. Əlavə olaraq depressiyanın özünün də çəkinin dəyişməsinə səbəb ola biləcəyini unutmayın.

4. Hamiləlik əleyhinə həblər

Hamiləlik əleyhinə həblərin kökəlməyə səbəb olduğu deyilsə də, əksinə, bu təsir qısamüddətlidir. Əgər uzunmüddətli çəki problemi yaşamağa davam edirsinizsə, mütləq həkiminizlə məsləhətləşin.

5. Hipotireoz

Qalxanabənzər vəzi xəstəlikləri maddələr mübadiləsini yavaşladaraq çəkinin artmasına səbəb ola bilər. Qidalanmanıza və idmana diqqət etdiyiniz halda yorğunluğunuz keçmir və kökəlməyiniz davam edirsə, mütləq həkiminizə müraciət edin.

6. Klimaks

Çox qadın klimaksa girdikdən sonra kökəldiyini iddia etsə də kökəlıməyin tək səbəbi bu deyil. Yaşlanma maddələr mübadiləsini də aşağı salır, beləcə daha az kalori xərclənir. Ancaq unutmayın, hər yaşın özünün lazım olan çəkisi ayrı hesablanır. Yaş irəlilədikcə gənclik vaxtındakı çəkidə olmağa çalışmaq immunitetinizi aşağı salar.

7. Siqareti tərgitmək

Siqareti tərgidən şəxslər təxminən 10 kq kökəlir. Bunun səbəbi əslində siqareti tərgitmələri deyil, nikotin ehtiyaclarını qidalardan almağa çalışmalarıdır. Siqareti tərgitdikləri dövrdə daha çox acdıqlarını hiss edərək karbohidrat və yağ nisbəti yüksək olan qidalara yönəlirlər.

8. Tez-tez aşağı kalorili pəhriz saxlamaq

Əgər ehtiyac duyduğunuzdan az olan enerji və qida elementlərilə qidalanırsınızsa, bu vəziyyət maddələr mübadiləsinin sürətini azaldar. Buna görə də yeməyən, amma asanlıqla kökələn bədənə sahib ola bilərsiniz.