Arıqlamaq gərgin əmək və intizam tələb edir. Lakin qaçış alətində qan-tərə batmadan və ya kalori saymağınıza gərək qalmadan edilməsi lazım olan çox asan yollar vardır. İdman etmədən arıqlamağın 10 yolu barədə aşağıdakı yazımızda oxuya bilərsiniz.
Qidalanma mütəxəssislərinin hazırladığı bu 10 üsulun tətbiqi pəhriz və ya məşq etmədən arıqlamağınıza kömək edəcək.
1. Yeməyə 1 stəkan su içməklə başlayın
Su içmək mədənizi suyla doldurub sizə toxluq hiss etdirəcək, çox yemək yeməyinizin qarşısını alacaqdır.
2. Hər yeməkdə ağıllı seçimlər edin
Məsələn, yeməkdən sonra paxlava, peçenye əvəzinə meyvə ilə qane olmağa alışın. Quru meyvə yerinə təzə meyvə seçmək sizə daha az kalori qazandıracaq.
3. Bir parça acı şokolad yeyin
Öncə tort, peçenye kimi yüksək kalorili qidalardan imtina etmək çətin olacaq. Lakin daha sonra şəkər asılılığından qurtuluğunuzu və aşağı kalorili ərzaqlarla qidalanmağa alışdığınızı görəndə bu vəziyyət sizi məmnun edəcək.
4. Boşqablarınıza nəzarət edin
Hər pay üçün sağlam qida və az kalorili qidanı seçmək və bunu vərdiş halına gətirmək əsasdır. Porsiyalarınız kiçik olsun, az miqdarda hər şey yeyə bilərsiniz.
5. Daha çox hərəkət edin
Vaxtınızın çoxunu idman salonlarında keçirmək əvəzinə, hərəkətli həyat tərzi keçirərək qısa müddətdə arıqlaya bilərsiniz. Məsələn, işiniz yaxındadırsa, piyada getmək, lift əvəzinə pilləkənlərlə çıxmaq, avtomobili ofisə bir az uzaq yerə park edib, ofisinizə piyada getmək bir neçə sadə nümunədir.
6. Yüksək kalorili içkilərdən uzaq durun
Arıqlamağa çalışır və nəticə əldə edə bilmirsinizsə, bunun səbəbi yüksək kalorili qidaları həyatınızdan çıxarmamağınızdır. Şəkər nisbəti yüksək olan meyvə suları, qazlı içkilər buna misal ola bilər. Bunların əvəzinə ayran, mineral su kimi aşağı kalorili və yüksək qida tərkibli içkiləri seçin.
7. Uzun müddət ac qalmayın
Az yemək sizin üçün yaxşıdır, lakin bütün gün ac qaldıqdan sonra axşam makarona hücum edib pəhrizinizi pozmayın.
Ara paylarda sağlam qidalar seçin, bu, qan şəkərinizi tənzimləyərək şəkərli qidalardan uzaq dayanmağınızı təmin edər.
8. Yüksək zülallı, yüksək lifli qidalar yeyin
Cips, kreker və s. kimi yüksək kalorili qidalar yerinə, zülalı və lifi yüksək qidaları seçmək sizi uzun müddət tox tutacaq.
9. Axşam yüngül qidalanın
Gündəlik kalori ehtiyacınızın təxminən 25%-ni axşam yeməyində yeyəcəyiniz qidalar üçün ayırın. Yatmazdan dərhal əvvəl deyil, ən azı 2-3 saat əvvəl yeyin. Çox gec yemək həzm sisteminə və təkrarlanan yuxu nizamına zərər verə bilər.
10. Doyunca yatın
Kifayət qədər yatmamaq daha çox yeməyinizə, iş yerində enerjinizin aşağı olmasına səbəb olur. Buna görə də ən az 7 saat yatın. Bu, arıqlamağın sadə və təsirli üsuludur.
Tətbiqi asan olan bu məsləhətləri tətbiq etmək həm formada qalmağınıza, həm də sağlam həyatınızı təmin edər.