Balanslı şəkildə qidalandığınızdan əmin olmaq üçün qabınızın yarsını tərəvəzlə doldurun. Lif və antioksidanlarla zəngin, kaloridən qıt tərəvəzlərə həyatınıza (və qabınıza) daha çox yer açmalısınız.
1. Qırmızı çuğundur
Kiçik bir boşqab çuğundur belə bol vitamin və mineral qaynağıdır. Xüsusilə fol turşusuyla zəngin olan çuğundurdan qan azlığını önləmək üçün istifadə olunur.
2. Kələm ailəsi ilə tanış olmağın zamanı gəldi: Brüssel kələmi, buruq kələm, qara kələm
Uşaqların və kələmin möcüzələrini hələ də kəşf etməyən böyüklərin görəndə ağız əydikləri bu tərəvəz antioksidant anbarı olması səbəbiylə süfrələrdən əskik edilməməlidir.
3. Pomidor
Ehtiva etdiyi likopen maddəsi sayəsində bəzi xərçəng növlərini önləməkdə çox təsirli olan pomidor eyni zamanda xolesterolu salmağa da kömək edir.
4. Qırmızı bibər
A və C vitaminləri ilə zəngin olan qırmızı bibərin tək bir porsiyası (təxminən 125 qr) bir yetkin insanın gündəlik C vitamini ehtiyacını qarşılamağa çatacaq qüvvədədir!
5. Brokkoli
Kələm ailəsinin uzaqdan qohumu olan brokkoli laxtalanmaya kömək edir və sümükləri gücləndirmə qabiliyyətinə malik olan güclü bir antioksidantdır.
6. Soğan
Təzə soğan, quru soğan, arpacıq soğan, kəvər və sarımsaq süfrənizdən əskik olmamalıdır. Antioksidant baxımından zəngin olan bu beşlik eyni zamanda xərçəng hüceyrələrinin böyüməsinə də maneə törədən sulfid tərkibinə sahibdir.
7. Balqabaq
A vitamini ilə zəngin olan balqabaq güclü immunitet sistemi üçün lazım olan tərəvəzlərdəndir.
8. Kök
A vitamini ilə zəngin olan kök eyni zamanda sağlam gözlər üçün də mükəmməl bir təsirə malikdir.
9. Turp
C vitamini, saçlara və dırnaqlara yaxşı təsir edən B6 vitamini, maqnezium, kalsium və kaliumla zəngin olan turp eyni zamanda kalorisi çox aşağı olan tərəvəzlər sırasındadır.
10. İspanaq
Təməl Rəisin söylədiyi qədər zəngin bir dəmir tərkibli olmasa da fol turşusu, A və K vitaminləri baxımından zəngin olan ispanaq bütün tünd yaşıl yarpaqlı tərəvəzlər kimi ürək-damar sağlamlığı üçün əhəmiyyətli qidadır.