Qadin.NET / Sağlam olmaq üçün faydalı qidalar

Sağlam olmaq üçün faydalı qidalar

1. Qara çay

Çayın sağlamlığa təsirindən söz düşəndə hamı bir ağızdan deyir ki, yaşıl çay çox xeyirlidir. Amma qara çayın da insanlara faydası az deyil. Alimlər çoxdan sübut ediblər ki, gündə 2-3 fincan qara çay içənlərin qan damarlarında yaxşılaşma, kapilyar divarının daha elastik olması və s. kimi dəyişikliklər hiss olunur.

Çayın necə içilməsi də əsas şərtlərdəndir. İsti çay səhər yeməyindən, soyuq çay isə nahardan öncə içilməlidir. Qara çayın ancaq təzə dəmini içmək daha doğru olar. Təzə dəmlənmiş çay 1-2 saatdan sonra öz faydalı xüsusiyyətini itirir.

 

2. Kərəviz 

Kərəvizin tərkibində artıq kalori, yağ yoxdur. Onun xeyirli xüsusiyyətləri bununla bitmir. Birinci növbədə kərəvizdə kalori az olduğundan o, duz yığılmasını neytrallaşdırır. Kərəviz qan təzyiqini normallaşdıran ftalidlərlə zəngindir.

3. Albalı 

Albalı çox faydalı giləmeyvədir. Ondan kokteyl hazırlanmasında, şirniyyatda geniş istifadə olunur. Albalının tərkibi flavonidlərlə zəngindir. Onlar immun sistemi ilə möcüzələr yaradır. Albalı həm də dərini yaxşılaşdırır, ürəyin işini sabitləşdirir. May ayından başlayaraq avqusta qədər təzə albalı yeyin. İlin qalan aylarında dondurulmuş, konservləşdirilmiş və ya qurudulmuş albalı məsləhətdir. Dondurulmuş albalını blenderdə doğrayıb üstünə soyuq süd əlavə etsəniz, kalorisiz desert qazanacaqsınız. Qurudulmuş albalı kokteyllərdə əvəzsizdir.

4. Göbələk

Göbələk B vitamini ilə zəngindir. Bundan başqa, göbələkdə dəri, saç və görmə qabiliyyəti üçün xeyirli olan riboflavin var."Papaqlı gözəlçə" xolestirini aşağı salan, ürək xəstəliyinin qarşısını alan betaqlukan və xitin maddələri ilə də zəngindir.
Göbələk torpaqda olan bütün zərərli maddələri maqnit kimi özünə çəkdiyi üçün ən yaxşı seçim fermada əkilmiş şampinyon və veşen göbələkləridir. Təzə göbələyi salata, sendiviçə qatsanız, soğanla qızardılmışı isə düyü və qarabaşaqla yesəniz ağzınız dadlanar.

5. Dənli bitkilər 

Yulaf, qarabaşaq, arpa, qarğıdalı ona görə qiymətlidir ki, becərilmədə dənin və toxumun qabığı qalır. Dənin özü B vitamini ilə, toxum isə kalsium, kalium, natrium, maqnezium, fosfor, sink ilə zəngindir.
Qida rasionunuza dənli bitkiləri əlavə etsəniz dəriniz parlaq, əsəb sisteminiz sakit, ürəyiniz isə saat kimi işləyəcək.
Dənli bitkiləri bişirməyin,sadəcə,isti su ilə süzün.Əsas bir şeyi yaddan çıxarmayın: dənli bitkilərdən istifadə edərkən normanı keçməyin, çünki onlar karbohidrat və kalori ilə zəngindir.

6. Lobya 

Lobyanin tərkibində sümükləri və ürək əzələlərini möhkəmləndirən kalsium və dəmir var. Zülal mal ətindəki kimi zəngindir, kalori isə 2 dəfə azdır.
Lobyanı axşamdan suda isladın. Səhər suyu dəyişdirib 2 saat qaynadın. Sonda kök, pomidor və sarımsaq əlavə edin. Lobya tərəvəzlərlə daha yaxşı həzm olunur.

7. Günəbaxan tumu

Günəbaxan tumları iki dəfə çox E vitaminləri ilə zəngindir və kalorisizdir. Tum beynin, böyrəklərin, qaraciyərin işini normallaşdırır. Lakin bunlar da son deyil. O, qan sistemini sabitləşdirir. Troblaşmanın qarşısını alır. Gün ərzində dörd xörək qaşığı təmizlənmiş tum orqanizmi 80% vitaminlə təmin edir. Tum dəmir, sink, yod, kalsium ilə zəngindir. Quru tumları salata əlavə etsəniz, xeyrini görərsiniz.

8. Düyü

Əsəb sisteminə xeyirli olan vitamin və mikroelementlərlə zəngindir. Düyü zülalının tərkibində əzələləri qüvvətləndirən 8 amin turşusu var. Öz xeyirli xüsusiyyətlərini saxlamaq üçün düyünü isti suda süzüb 25 dəqiqə bişirin.


9. Soğan

Soğan ürək, qan damarları, oynaqlar üçün çox xeyirlidir. Ən yaxşı seçim təzə və ya göy soğandır. Soğanı sirkəyə qoymaq da xeyirlidir.



10. Nar

B1, B2, C vitaminləri ilə zəngindir. Nar şirəsi soyuqdəymə zamanı immun sisteminin güclənməsinə kömək edir. Nar şirəsi ürəyə də xeyirlidir. Hər yeməkdən sonra 150 qram nar şirəsini su ilə qarışdırıb içməkdə xeyir var. Su ilə ona görə qarışdırılır ki, şirədə olan limon turşusu dişlərin emalını, mədəni korlamasın.

31 avqust 2013
GO BACK