Nyu-Cersidən olan qadın qızının yumşaq oyuncağına səsyazan yerləşdirməklə keçmiş ərini izləyib. Bütün bunlar təsadüfən ortaya çıxıb.
Qadin.Net oxu.az-a istinadən xəbər verir ki, 33 yaşlı Xizer Bemford qızına “Minni Maus” hədiyyə edərək, onu keçmiş əri ilə vaxt keçirmək üçün atasının yanına yollayıb. Bir neçə gündən sonra isə Dominik Bemford sürprizlə üzləşib.
Belə ki, oyuncağın düyməsinə basaraq onun oxumasını dinləmək istəyən ata bunun yerinə özünün və qızının səsini eşidib.
O, dərhal polisə müraciət edib.
Qadının ərini nə zamandan bəri izlədiyini müəyyən etmək mümkün olmayıb.
Artıq Xizerə qarşı casusluq və qanunsuz dinləmə ittihamı irəli sürülüb. Girov müqabilində azadlığa çıxan qadını yaxın günlərdə məhkəmə gözləyir
