Azərbaycanlı rəqqaslar Eldar Cəfərov və Anna Sacina "WDC World Championship Professional Ballroom Showdance 2019"un qalibi olublar.
Qadin.Net axşam.az -a istinadən xəbər verir ki, Avstraliyada keçirilən yarışda rəqqaslar "Aktyor" adlı nömrə göstəriblər. Onların şousu münsifləri və tamaşaçıları heyran edib.
"Dünya çempionu olmaq xoşdur. Rəqqas olmaq çətindir. Amma aktyor rəqqas olmaq həyatdakı məqsədimdir" deyə, Eldar bildirib.
Yarışda Almaniya, Böyük Britaniya, Yaponiya, Rusiya, ABŞ və başqa ölkələrdən məşhur rəqqaslar çıxış ediblər.
Tədbirin gümüş medalını Avstraliya, brüncü isə Rusiya iştirakçıları əldə ediblər.
