Türkiyəli aktyorun Berk Oktayın boşanma ərəfəsində olduğu arvadı Merve Oktay hakim qarşısına çıxıb.
Qadin.Net axşam.az -a istinadən xəbər verir ki, buna səbəb onun ərinin çılpaq fotoları sosial şəbəkədə yayması olub. Lakin Merve məhkəmədə ittihamları rədd edib.
"Heç vaxt məşhurluq iddiasında olmamışam. Şou-biznesdən də uzaq dayanmışam. Əsla özümü və ailəmi alçaldacaq hərəkət etmərəm" deyə, o, bildirib.
Berk isə fotolarının onun telefonunda olduğunu və işin axırınadək gedəcəyini bildirib.
"Bu mənim üçün namus məsələsidir. Ailəmin və özümün şərəfi üçün bu işin sonunadək gedəcəyəm" deyə, o, bildirib.
Qeyd edək ki, Berkin vəkili Serdar Ötkem də fotoların Mervenin və anasının komputerindən yayıldığını açıqlamışdı:
"Araşdırma nəticəsində fotoların yayıldığı kompüterlərin İP ünvanı tapıldı. Və məlum oldu ki, şəkillər Merve Şarapçıoğlunun özünün və anasının kompüterindən paylaşılıb”