İtaliyanın dünya şöhrətli moda evi “Versace” “Fashion Nova” brendini Cennifer Lopezlə məşhurlaşan və ikonaya çevrilən yaşıl libasını oğurlamaqda ittiham edərək məhkəməyə verib.
Qadin.Net axşam.az-a istinadən xəbər verir ki, dosyelərdə “Ən məşhur və tanınmış dizayn brendinin, simvolların və digər qorunan ünsürlərin qəsdən təqlid edilməsi və saxtalarının satmaq”, həmçinin, “Fashion Nova”nın “Versace”ın populyarlığından qəsdən öz gəliri üçün istifadə etməsi, “Versace”ın nüfuzu və iş etibarınının aşağı salması”, habelə, “Versace” “Fashion Nova”nın dünyaca məşhur bir dizaynerə aid əsərlərinin oğurlanmasına qarşı ən son utanmaz hərəkətini sonlandırmağa çalışır” ifadələri yer alıb.
Bununla da moda evi brendi ticarət markasını zərərə uğratmaq, müəllif hüquqları və başqa səbəblərlə günahlandırır və maddi təzminat tələb edir.
Qeyd edək ki, C.Lopez sözügedən libası ilk dədə 2000-ci ildə “Qremmi” mükafatları zamanı geyinib. Daha sonra sənətçi eyni paltarı 19 il sonra sentyabrda Milan Moda Həftəsində geyinərək, podiuma çıxıb.
