Televiziya dünyasının “Oskar”ı sayılan “Emmy” mükafatları 71-ci dəfə sahiblərinə verilib.
Qadin.Net axşam.az-a istinadən xəbər verir ki, Los-Ancelesdəki Maykrosoft Teatrında gerçəkləşən tədbirdə 32 nominasiya üzrə namizəd olan “Taxt oyunları” “Ən yaxşı dram serialı” olmaqla, digər 13 mükafatın sahibi seçilib.
Serialdakı performansı ilə Piter Dinkleyc dördüncü dəfə “Ən yaxşı köməkçi aktyor” mükafatını alıb.
“Pose” serialındakı rolu ilə “Ən yaxşı kişi aktyor” seçilən Billi Porter bu nominasiyada mükafat alan ilk homoseksual sənətçi olub.
Fob Voller Bric eyni mükafatı səkkiz dəfə alan rəqibi Culia Dreyfusu geridə qoyaraq, “Ən yaxşı komedia aktrisası” seçilib.
