“Hər uşaq doğanda bir eqo var ki, gəl görəsən. Deyirəm ki, it, pişik, quşlar, kərtənkələ də dünyaya övlad gətirir. Quşlar ildə iki-üç dəfə ana olur. Heç özünü yuxarıdan aparanını görmədim. Ana olmaq matah bir şey deyil”.
Qadin.Net axşam.az-a istinadən xəbər verir ki, bu sözləri türkiyəli aktrisa Billur Kalkavan müsahibəsi zamanı deyib.
Ana olmayan sənətçi bunun öz seçimi olduğunu söyləyib:
“Düşüncəsizcə dünyaya gətirin, sonra iki həftəlik olanda bir dayənin əlinə verin. Əsəbi halda işə gedin. Gəlib deyin ki, gecələr yatmıram. Ortalıqda da arsız, tərbiyəsiz nə qədər uşaq gəzsin” deyə, irad bildirib.
Qeyd edək ki, Billur Kalkavan “Ihlamurlar altında” serialı ilə məşhurlaşıb.
