Yeni Zelandiyada stilist Simona Anderson bir ildə 90 kq arıqlayıb.
Qadin.Net ölkə.az-a istinadən bildirir ki, ömrü boyu artıq çəkilərdən əziyyət çəkən qadının ayaqları tutulmağa başlayıb. Sonda isə o, yatağa düşəndən sonra arıqlamağa qəti qərar verir.
2014-cü ildə mədəkiçiltmə əməliyyatı keçirən qadın 1 ildə düz 90 kiloqram arıqlayıb.
İndi o, sağlam qidalanır və idmanla məşğul olur. Simona sosial şəbəkə vasitəsi ilə artıq çəkidən əziyyət çəkənlərə kömək edir.
"Heç vaxt özümü belə yaxşı hiss etməmişəm, artıq çəkilər həyatımı qaraltmışdı. Mən yaşamırdım sürünürdüm. Psixoloji vəziyyətim o qədər pozulmuşdu ki, hətta zibil atmağa belə bayıra çıxmırdım. Elə bilirdim hamı mənə güləcək"- deyə o açıqlamasında bildirib.
Simona bütün keçdiyi ağır yolu sənədli film kimi izləyicilərinə təqdim edib.
