Heydər Əliyev Fondunun vitse-prezidenti Leyla Əliyevanın oğlu Əli Ağalarov atası Emin Ağalarovun Bakıda təşkil etdiyi "Jara" musiqi festivalında aparıcılıq edəcək.
Qadin.Net publika.az-a istinadən xəbər verir ki, 12 yaşlı Əli "Festivalın gündəliyi"ni çəkəcək.
Bu barədə o özü sosial media hesabından məlumat yayıb. Məlumatda bildirib ki, bütün festival ərəfəsində qırmızı xalıdan, kulis arxasından maraqlı videoreportajlar, eləcə də ulduzlarla müsahibələr hazırlayıb təqdim edəcək.
Qeyd edək ki, "Jara" musiqi festivalı 25-28 iyul tarixlərində keçiriləcək.
