“Hercai” serialındakı “Miran” obrazı ilə məşhurlaşan türkiyəli aktyor Akın Akınözü 21 gün öncə əsgərliyə yollanmışdı.
Qadin.Net axşam.az-a istinadən xəbər verir ki, o, ölkəsindəki “Bədəlli əsgərlik”dən yararlanıb, pul ödəyərək, qısamüddətli hərbi xidmətdə idi.
Sənətçi bu gün xidmətdən geri döndüyünü bildirib.
“Əsgərlikdən qayıdanda məni 2 milyonu keçmiş daha da böyük bir ailə ilə qarşıladığınız üçün təşəkkür edirəm” deyə, Akın İnstaqramda yazıb.
Qeyd edək ki, “Hercai” serialı mövsüm finalı edib. Ekran işi sentyabrdan davam edəcək.