Yeni Zelandiyanın Otaqo universitetinin bir qrup alimi Şotlandiyanın məşhur Lox-Ness gölündə genişmiqyaslı tədqiqat aparıb.
Qadin.Net ölkə.az-a istinadən bildirir ki, alimlərin məqsədi göldə yaşayan bədheybət barədə faktlar toplamaq olub.
Professor Nil Qommelin rəhbərliyi altında olan komanda müasir texnologiyadan istifadə edərək bədheybətin suda buraxdığı kiçik orqanizmləri toplayıb. Bir sıra nümunələr toplandıqdan sonra analizlərə start verilib.
"Layihə böyük layihədir. Bakteriya və mikro orqanizmlərin toplanması çox vaxt apardı. Sonra isə alimlərlə birlikdə analizlərə başladıq və bu çox vaxt apardı. Nəticə barədə danışmaq tez olsa da, deyə bilərəm ki, Nessi bədheybəti barədə mif qalacaq", - deyə alim bildirib
