Dünyaca məşhur müğənni Şakira iyunun 6-da İspaniya məhkəməsində ifadə verəcək.
Qadin.Net qafqazinfo-ya istinadən xəbər verir ki, buna səbəb ifaçının vergilərdən yayınması ehtimalıdır.
Bildirilir ki, Şakiraya altı cinayət faktı üzrə ittihamlar irəli sürüləcək. Onların hamısı, ümumi dəyəri 14,5 milyon avro təşkil edən vergi borcu ilə bağlıdır.
Məsələ bundadır ki, "Barselona" klubunun futbolçusu Jerar Pikenin həyat yoldaşı olan Şakira uzun müddət əri ilə bərabər Kataloniyada yaşayıb. İspaniya qanunlarına əsasən, ölkə ərazisində altı ay müddətində yaşayan istənilən şəxs avtomatik vergi ödəyicisinə çevrilir.