Dünya şöhrətli ifaçı Madonna “Vogue” dərgisinin İngiltərə bürosunun üz qabığında yer alıb.
Qadin.Net axşam.az-a istinadən xəbər verir ki, 30 il sonra jurnala müsahibə verən 60 yaşlı ulduz karyerası və şəxsi həyatı ilə bağlı açıqlamalar verib:
“İnsanlar həmişə bir səbəb tapıb, məni susdurmağa çalışırdılar: yetərincə yaxşı olmadığım, yaxşı mahnı oxumadığım, istedadlı olmadığım, yetərincə evlənmədiyim üçün…
İndi isə aqeizmlə (İnsanları yaşına görə mühakimə etmək – red.) mübarizə aparıram. 60 yaşındayam deyə cəzalandırılıram”
Sənətçi Ledi Qaqa ilə səkkiz il barışmasından da söz açıb:
“Biz heç vaxt düşmən deyildik, amma insanlar bizim düşmən olmağımız üçün həyəcan keçirirdi”.
Qeyd edək ki, ifaçı sonuncu dəfə “Billboard” musiqi mükafatlarında 5 milyon dollarlıq şousu ilə gündəmə gəlib
