Bir neçə gün əvvəl müğənni Hadisə ilə Orxan Ölməzin sevgili olduğu iddia edilib.
Qadin.Net ölkə.az-a istinadən bildirir ki, Orxan Ölməz qonaq olduğu verilişdə məsələ ilə bağlı açıqlama verib. Ölməz "Hadisə mənim yerlimdir" deyib.
"O Səs Türkiyə" müsabiqəsinin finalından sonra Hadisə İnstaqram səhifəsində makiyajsız fotosunu və Orxan Ölməzin "Seni Çok Seveceğim" mahnısını paylaşmışdı. Müğənninin paylaşımını isə Orxan Ölməz öz səhifəsində paylaşaraq ürək şəkli çəkmişdi. Bu isə dedi-qodulara səbəb olmuşdu.
Orxan Ölməz isə qonaq olduğu verilişdə məsələ ilə bağlı bunu deyib:
"Hadisə mənim yerlimdir. O da Sivasdandır. Çox uğurlu və gözəl sənətçidir. Hələlik üz-üzə gəlməmişik. Amma bir-birimizin işlərini çox bəyənirik"