Tanınmış müğənni, Xalq artisti Emin Ağalarov ABŞ-ın xüsusi prokuroru Robert Müllerin seçkiyə müdaxilə ilə bağlı istintaqın yekun hesabatına dair paylaşım edib.
Qadin.Net teleqraf-a istinadən xəbər verir ki, Emin Ağalarov ABŞ Prezidenti Donald Trampın xüsusi prokurorun hesabatı barədə "Foks nyus" telekanalında yayımlanan şərhini özünün İstaqram hesabında izləyiciləri ilə bölüşüb.
"Rusiya ilə sövdələşmə olmayıb. Müllerin 2 illik istintaqı bitdi!", - deyə Emin Ağalarov qeyd edib.
O, Rusiyanın ABŞ seçkilərinə müdaxilə etmədiyinin aydınlaşdığını vurğulayıb.
Qeyd edək ki, ABŞ-ın xüsusi prokuroru Robert Müllerin seçkiyə müdaxilə ilə bağlı istintaqın yekun hesabatı Moskvayla Tramp arasında sözləşmənin olmadığını aşkarlayıb