Qadin.NET / Beren Saatın qaynanası BOŞANMAdan danışdı-FOTO

Beren Saatın qaynanası BOŞANMAdan danışdı-FOTO

Beren Saatın qaynanası BOŞANMAdan danışdı-FOTO


Məşhur müğənni Kənan Doğulu dünən yaradıcılığının 25 illiyi münasibəti ilə “Wolkswagen Arena”da konsert verib.

Qadin.Net publika.az-a istinadən xəbər verir ki, 5 min nəfərlik konsertdə ulduzu izləməyə gələnlər arasında anası Serpil Doğulu da olub. Lakin 6 aydır hazırlaşdığı gecədə müğənninin xanımı Beren Saat iştirak etməyib. Halbuki, Beren Saat ərini tanış olduqları 2012-ci ildən bu yana heç bir konsertində tək qoymamışdı. Pop ulduzu konsertdən sonra mətbuat nümayəndələrinin suallarına cavab verməkdən imtina edib. Musiqiçinin komandası "Yorğun və şayiələrdən dolayı məyusdur. Açıqlama vermək istəmir" deyə bildirib.

Bundan sonra jurnalistlər oğlunu ən öndən izləyən Serpil Doğuluya sual ünvanlayıb. O, "Boşanacaqlarmı" sualına cavab verməyə əvvəlcə tərəddüd esə də, ard-arda gələn israrlı suallara belə münasibət bildirib:

"Mən bilmirəm, onlar özləri daha yaxşı bilir. Sizlər də bu məsələləri daha yaxşı bilirsiniz".

Cütlüyə yaxın mənbələrin verdiyi məlumata görə, Beren Saat boşanmaq istəyir, Kənan isə istəmir.

Xatırladaq ki, Beren Saat 26 fevralda 35 yaşı tamam olması münasibətilə İnstaqramda kədərli status yazmış, hətta vəfat edən sevgilisini xatırlamışdı:

"Bu gün bir yaş daha böyüdüm. İnsanların yaş artdıqca necə qəddar ola bilməsi və əslində hamısının dünyaya gələrkən qüsursuz bir körpə olması haqda gerçəkləri bilirəm. Bir tərəfdən kütləvi bir eşqin içində olduğum, digər tərəfdən ən yaxınımda nifrəti hiss etdiyim bi doğum günündə ağlamağı yox, gülməyi seçmişəm.

Ayaq basdığım ən qaranlıq doğum günüm olduğunu düşündüyüm anda Efe ilə bizim mahnımız "Hero"nun səsini eşitdim və ruhum yenidən işıqlandı. Məncə həyatımın ikinci yarısı daha gözəl olacaq. Həyatın mənim üçün yan-yana düzdüyü inci kimi travmalardan sonra bunu gözləyirəm.

Yaşamaq, dirənmək, qəbul etmək, parçalanmaq, bütünləşib yenidən doğulmaq, üzləşmək, tanış olmaq, yolun yarısında başdan başlamaq, gülmək, insanları incitməmək, dinləmək, razı olmaq, çökmək, amma ayaq üstdə inanaraq davam etməkdir. Elə bir sevməkdir ki, hər kəsi sevirmiş kimi... Yaxşı ki, varsınız. Yaxşı ki, doğulmuşuq".

Qeyd edək ki, Beren və Efe illər öncə həm uşaqlıq dostu, həm də sevgili olublar. Lakin Efe avtomobil qəzasında dünyasını dəyişib

Beren Saatın qaynanası BOŞANMAdan danışdı-FOTO


4 mart 2019
GO BACK