Britaniya şahzadəsi Harri və xanımı, Sasseks hersoginyası Meqan dünən Londonda "Endeavour Fund Awards" mükafatlarının təqdimat mərasiminə qatılıblar.
Qadin.Net Milli.Az -a istinadən bildirir ki, 37 yaşlı hamilə Meqan "Draper's Hall"dakı mərasimə "Givenchy" brendinin istehsalı olan geyimdə və "Aquazzura Rendez Vous" ayaqqabılarında idi.
2012-ci ildə təsis olunmuş "Endeavour Fund" fondu Britaniyada sabq hərbçilərə yardımlara yönəlmiş 86 layihəni dəstəkləyib.
Şahzadə Harri fondun ən aktiv hamilərindən biridir.
Mərasimdə Meqan pərişan görünürdü. Onun rəfiqələrinin dediklərinə görə, səbəb hersogiyanın atası Tomas Marklın davranışıdır.
"Məni təqib edən, mənə düşmən kəsilən atamdan fərqli olaraq Harri dünyanın ən yaxşı atası olacaq. Atamsa məni artıq çox usandırır. Onu görmək istəmirəm", - Meqan rəfiqələrinə deyib.
Britaniyalı kraliçası 2-ci Yelizaveta isə nəvəsinin xanımının şou-biznes ulduzu kimi davranmasından, onunla bağlı sürəkli şayiələrin dolaşmasından çox narazıdır.
