Fevralın 2-də eşitmə və nitq məhdudiyyətli insanlar üçün fəaliyyət göstərən “Deaf Community” komandası Nizami Kino Mərkəzində 2 yaşını qeyd edib.
Qadin.Net bildirir ki, "Çünki gəncsən" adlanan tədbir ad günü ilə yanaşı eşitmə və nitq məhdudiyyətli gənclərin Gənclər gününə həsr olunub.
Komandanın qurucusu və rəhbəri Nuranə Abıyeva, baş surdotərcüməçi Arzu Babayeva, baş təlimçi Turan Məmmədli, dizayn və çəkiliş işlərini həyata keçirən Ülkər Qəhrəmanova, inzibati işlər üzrə məsul şəxsi Nazilə Ələkbərova çıxış edərək komandanın iki illik fəaliyyətindən söz açıblar.
Komandanın 2 illik fəaliyyətini əks etdirən video-çarx izləndikdən sonra tədbir Səmra Rəhimova, Elnarə Xəlilova, Ramil Nabranın ifaları ilə davam edib. Səsləndirilən mahnılar jest dilinə Nuranə Abıyeva tərəfindən tərcЕ±mə olunub.
Tədbirdə iştirak edən tanınmış xeyriyyəçi Hacı Nuran, "Mənim Mələklərim" layihəsinin rəhbəri İlahə Abdullayeva, aktyor Taleh Yüzbəyov və Kikboksinq üzrə Azərbaycan çempionu Fuad Həşimi məhdudiyyətli gənclərin gЕ±nünu təbrik edib, dəstəklərini nümayiş etdiriblər