Britaniya kraliçası II Yelizavetanın həyat yoldaşı, 97 yaşlı Edinburq hersoqu şahzadə Filip İngiltərədə yol qəzasına düşüb.
Qadin.Net publika.az-a istinadən xəbər verir ki, hadisə Sendiqrem kəndi yaxınlığında, Norfolk qraflığının qərbində baş verib. Məlumata görə, şahzadə Filip qəza zamanı xəsarət almayıb. Hadisə yerinə polis əməkdaşları cəlb edilib.
II Yelizaveta hər il Milad ərəfəsində Sendiqremə gedir. Ailənin digər üzvləri də orada toplaşır. Monarx Milad bayramında yerli Müqəddəs Məryəm Maqdalina kilsəsinə baş çəkir.