Yıldız Tilbe konsert zamanı onunla uzlaşmayan musiqiçilərini hər kəsin qarşısında danlayıb.
Qadin.Net axşam.az-a istinadən xəbər verir ki, səhnədə həddən artıq əsəbiləşən Tilbenin musiqiçiləri danlandığı kadrlar telefonla lentə alınıb və sosial şəbəkədə yayılıb.
Qəzəblənən müğənni "Niyə ritm kanalını pozursan? Niyə mənimlə uzlaşmırsan? Eşşəyəm mən burada? Sizə dedim ki, mənə tabe olacaqsınız. Mən sizə tabe olmayacağam. Səhv etməyin! Ya mənə tabe olacaqsınız, ya da hamınız sağlıqla qalın. Təkbaşına burada çıxış edərəm. Heç bir zaman problem olmadı. Mənimlə birlikdə hərəkət edin, burada şef mənəm, heç kim deyil" deyərək musiqiçilərə bağırıb.
