Türkiyədə Ayasofya məbədində şpaqat açan balerinanın görüntüləri sosial şəbəkələrdə müzakirələrə səbəb olub.
Qadin.Net teleqraf-a istinadən xəbər verir ki, Ayasofya muzeyi məsələ ilə əlaqədar araşdırmalara başlandığını açıqlayıb.
"Muzeyimizdə turizm şirkətlərinin tələbi əsasında axşam saatlarında müxtəlif tədbirlər həyata keçirilir. Yanvarın 5-i axşam bir xanımın muzeyi ziyarət edərək balerina hərəkəti olan "şpaqat" açıb və onun fotosu digər ziyarətçilər tərəfindən çəkilərək sosial şəbəkələrdə paylaşılıb. Məsələ ilə əlaqədar lazımi araşdırmalara başlanılıb".