İndoneziyadakı dəhşətli sunaminin viran qoyduğu şəhərdəki xarabalıqlar altından 5 yaşlı oğlan çıxarılıb. O, 12 saat sərasər dağıntıların altında qalmışdı.
Qadin.Net Milli.Az -a istinadən bildirir ki, sunami nəticəsində 281 nəfər həlak olub, 800 nəfər yaralanıb.
"Krakataunun övladı" adlı vulkanın püskürməsi nəticəsində yaranan 6 metr hündürlüyündə dalğa Zond boğazında sunamiyə səbəb olub.
Yava və Sumatra adaları arasındakı sunami 500 evi, 9 oteli, 60 dükanı və 350 qayığı darmadağın edib.
Balaca Əli sunaminin kökündən çıxarıb aşırdığı ağacların altında qalıb xurd-xəşil olmuş maşında idi.
Polislər uşaq səsi eşidəndə ağacların olduğu səmtə gediblər. Polis zabiti Əlini görəndə xilasetmə işləri başlanıb.
Xilas edilmiş Əli qorxusundan ağlayırdı.
