Türkiyənin məşhur müğənnisi Gülben Ergenin dördüncü dəfə ana olacağı barədə məlumat yayılıb.
Qadin.Net Milli.Az -a istinadən xəbər verir ki, sənətçi ötən gün "Gelinim Mutfakta" proqramında qonaq olarkən müzakirələrə səbəb olacaq açıqlama verib.
O, Fatih Yürekin aparıcılıq etdiyi verilişdə boşqablara uşaqlarının (Atlas, Güney, Ares) adını verib. O, stola qoyduğu son boşqaba isə "Bu da yoldadır" - şərhini bildirib.
Bundan sonra sosial şəbəkələrdə sözügedən açıqlama gündəmi zəbt edib. Hamı Ergenin hamilə olduğunu iddia ediblər.
Qeyd edək ki, Gülben bir müddət əvvəl son sevgilisi Burak Törerlə münasibətlərinə son qoymuşdu.