ABŞ-ın sabiq prezidenti Barak Obama dünən Santa Klaus libası geyinərək Vaşinqtondakı "Children's National Hospital"a yollanıb.
Qadin.Net Milli.Az -a istinadən bildirir ki, hospitala ilkin xəbərdarlıq etmədən yollandığından B.Obama böyük ajiotaja səbəb olub.
Hospitaldakı uşaqlara belindəki kisəsindən çıxardığı hədiyyələri paylayan Barak Obama balacaları xeyli sevindirib. O, hospitalın əməkdaşlarını da unutmayıb.
"Sadəcə, onlara minnətdarlıq etmək istədim. Möhtəşəm uşaqlar və onların valideynləri ilə söhbətləşmək imkanım oldu. İki övlad atasıyam, uşaqların diqqətə nə qədər ehtiyacı olduğunu əla bilirəm", - Obama Twitter-dəki profilində yazıb.
