NASA-nın "InSight" kosmik gəmisi Marsa enib.
Qadin.Net Milli.Az -a istinadla xəbər verir ki, "InSight" NASA-nın son 6 ildə Mars planetinə endirdiyi ilk kosmik gəmi olub.
7 dəqiqəlik təhlükəli anlardan sonra qırmızı planetə enən "InSight"-la Marsdan yeni fotolar çəkilib.
Yerdən 548 milyon kilometr uzaqlaşan robotun 7 aylıq uçuşdan sonra Marsa enməsi NASA işçiləri tərəfindən sevinclə qarşılanıb.
Kosmik gəmi, ötən gün, axşam saat 7:50-də Marsa enib. Bir neçə saat sonra onun günəş panelləri açılıb. O, günəş işığı vasitəsiylə özünü enerji ilə təmin edəcək.Artıq "InSight" sayəsində Marsın səthi və quruluşu ilə bağlı ətraflı məlumatlar əldə etmək mümkün olacaq.Qeyd edək ki, NASA-nın "Opportunity" adlı kosmik gəmisinin fəaliyyənin dayanması ilə əlaqədar olaraq Marsla bağlı araşdırmalarda ləngimə var idi. 2012-ci ildə göndərilən "Curiosity" gəmisi hələ də planetin üzərindədir.
