Britaniya şahzadəsi, 34 yaşlı Harri və onun xanımı, 37 yaşlı Sasseks hersoginyası Meqan Marklın Okeaniyaya səfəri davam edir.
Qadin.Net Milli.Az -a istinadən bildirir ki, dünən onlar Fici adasının qərbinə yollanıblar.
Hamilə Meqan Marklın əynində "Jason Wu" brendinin əsəri olan 6 min dollarlıq yaşıl don vardı.
Axşam saatlarında isə onlar Ficini tərk edərək Tonqaya yollanıblar.
Tonqada bir neçə gün keçirəndən sonra şahzadə və xanımı Avstraliyaya qayıdacaq, oradan da vətənlərinə, Britaniyaya yollanacaqlar.
Ficidə olarkən şahzadə və xanımı Vatuvara adasında gecələyiblər.
Ficinin paytaxtı Suvadan bir saatlıq məsafədə, şərqdə yerləşən adaya yollanan Harri və Meqanı Ficinin turizm naziri Feyaz Koya müşayiət edib.
800 hektarlıq Vatuvara adasındakı superlüks, resort tipli kottecdə qalmağın 1 gecəsinin qiyməti 5 min dollardır.
