Məşhur amerikalı müğənni Britni Spirs, sən demə, aktyor və müğənni Castin Timberleykin yaralıcılığının pərəstişkarıdır.
Qadin.Net Milli.Az -a istinadən bildirir ki, 36 yaşlı Spirs ilə 37 yaşlı Timberleyk 1999-2002-ci illərdə sevgili olublar.
Britni Spirs evinin həyətində idman edərkən çəkilmiş videonu İnstagram-dakı profilində paylaşıb. Spirs idman təmrinlərini Timberleykin ifasındakı mahnılardan birinin, 2006-cı ilin hiti "LoveStoned"in sədaları altında icra edib.
Britni Spirslə Castin Timberleyk "The Mickey Mouse Club" şousunda tanış olmuşdular.
Timberleyk müğənni Kristina Aqileradan ayrılmış, Spirsə vurulmuşdu. Lakin 2002-ci ildə Spirs ona xəyanət edəndə Timberleyk münasibətləri kəsmişdi. O, Britni Spirslə münasibətlərinə "Cry Me a River" mahnısını da həsr etmişdi.
